ماهي الأساسيات وماهي الكماليات بالنسبه للمرأه ؟

06-09-2012, 08:40 PM

#11

لكل شي حد

استشارية صيدله

تاريخ التسجيل: Oct 2011

المشاركات: 1,652

رد : سؤال للنساء عامة للمتزوجات خاصة للرجال للمشاركة

اقتباس:

المشاركة الأصلية كتبت بواسطة دراما بنوراما

ملاحظة: رغم ان كل مشاركاتي مستفزة ومعارضة للكثير ولكني لم افقد احترامي عند اناس معينين وهم الهدف في هذا المنتدى

اعرف ان اكثر مرتادي هذا المنتدى نساء ولكن هذا لايعني ان اطبل لاكسب ود هذة وتلك

الاختلاف في الرأي لا يفسد في الود قضية

تقبل تحياتي

دراما الاسرة والمجتمع

لا يا أخوي انا ما أسكن في الفضاء... أنا أسكن في العالم الواقعي... مب عالم الخيال...

و أنا من الإمارات... أنا بنت زايد... و أنا امرأه عامله... موظفه صار لي اكثر من 8 سنين... محترمه عمري و لا اسمح لأي شخص يقلل من احترامي...

كلامي كان واضح....

النساء يحتاجون النساء... و الضوابط الشرعيه اللي بتتكلم عنها مب بيدنا.... الإختلاط مب بيدنا... و الإختلاط غصبن عن الكل... هذا الكلام توجهه للدوله نفسها إنها توفر أماكن مغلقه للنساء العاملات... فإنك تقلل من احترام اللي تشتغل فهذا شي ما نسمح لك فيه....

يوم أروح دايره حكوميه علشان أخلص اجراءاتي... أفضل اني اتعامل مع موظفه مب موظف..
يوم أدفع فواتيري... أفضل ادفعها عند موظفه مب موظف..
يوم اروح لمرض معين... أبي دكتوره مب دكتور..
يوم اروح للصيدليه... أبي صيدلانيه مب صيدلاني..

و انا أشتغل في مستشفى... و مجالي طبي.. و ما أشوف الكلام اللي تقوله... أصلا في وقت للكلام اللي تقوله و اللي على حد كلامك يصير في المستشفيات.. ما له داعي قذف البنات بأشيا ما يسوونها... إذا وحده او ثنتين سوت حركات... فهذا ما يعني ان الكل نفس الشي... على هالأساس أنا بقول كل الرياييل خربانين... لأني بحكم على واحد او اثنين قليلين ادب و اقول ان الكل شراتهم...

الحريم اللي معاي كللللللللللللللللللللللللللللللللللللللللللللللللل لللللللللللللللللللهم موظفات بسبب ظروفهم... أنا الكبيره في البيت.. و ما عندي اخوان كبار... و الوالد الله يرحمه الراتب على قده.. و محتاجين نبني... براتب الوالد اللي ما يصفى منه شي.. وبيتنا المتهالك... كيف راح نبني...

الموظفات اللي معاي... كل وحده تساعد زوجها في البناء و الأثاث لأن البناء أصلا غالي..

وحده راتب زوجها ضعيف فلازم انها تساعده..

وحده عندها طفل من ذوي الإحتياجات الخاصه... و محتاجه رعايه و مصاريف مستمره.... و راتب زوجها ما يكفي... فلازم تشتغل..

الحمدلله انك ما خلقت امرأه.. و إلا كنت راح تشوف المعاناه..

تأكد النسبه اللي تبي تعيش برفاهيه مب كبيره مثل ما تظن... لأن كل وحده عندها ظروف...

و موضوع انها تشتغل خياطه و هالكلام... ليش كل وحده تعرف تخيط؟؟؟

حدث العاقل بما يعقل...

المطلقه و الأرمله... شو تسوي بعمرها... اللي طليقها ما يرضى يدفع النفقه.. هذي شو تسوي... تشحت يعني؟ المساعدات و الضمان الإجتماعي ما يكفي لمصاريف الأسر... و حتى لو اقتصدوا.. فما في داعي نتكلم بمثاليه زايده....

في النهايه.. برجع اقول لك نفس الكلام..

إذا انت الحمدلله حرمتك و خواتك انت و اهلك قادر تتكفل بمصاريفهم... تأكد ان غيرك مب قادر...

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه