رد : تعبنا كنساء من تحمل المسؤولية بمفردنا
بالنسبة للي جالسين يهذرون عن النساء اللي متزوجات وهم موظفات اقول لايكثر ترى والله لولا هم بعد الله الموظفات ذولي كان بناتنا ماتعلموا وكان احنا ماتعالجنا في المستشفيات من بيفحصنا من بيقيس لنا الضغط والسكر وين نروح نولد تبغون رجاجيل يولدونا ويفحصونا ولا كيف اللي خايف على حريمه وعاره وماعنده ثقة فيهم يقفل عليهم بخزانة علشان مايضيعون وكمان من بيجري لنا معاملاتنا البنكية ويجدد لنا بطاقاتنا ويفتح لنا رقم حساب كمان الرجاجيل ايوه صح يجدد لها بطاقتها الموظف ومايمديها توصل للبيت إلا وهو يراسلها على رقم جوالها لاكن لما تكون معاملتك مع امرأة حالك حالها تثق ان ارقام جوالك في ايدي امينه وتقدر تناقشها وتراجعها في اي شئ تريده بالنسبة للمعلمات اللي يقطعون مسافات علشان الوظائف يرحون للقرى والهجر يعلمون الحريم والبنات وينشرون العلم هائولاء يأدون واجبهم هناك ولا اهل القرى والهجر مايحتاجون من يعلمهم ويوعيهم وينصحهم الصدق والصراحة وللأمانة ألف مليون شكر وتقدير مني لكل إمرأة عاملة ومضحية علشان تفيد الناس وتقوم بخدمتهم ورعايتهم واللي مو عاجبه المرأة الموظفة مافيه احد ضربه على إيده وقال له تزوج موظفة والا الواحد من بدري الحمل اللي يشوف نفسه مو قده لايشيله وكل واحد يمد رجوله على قد لحافه ازين له
وللمعلومية ترى انا مو موظفة لاكن اناصر الموظفات لولا الله سبحانه وتعالى ثم الموظفات كان نص الحريم اميات والنص الثانين في قبورهم الوحدة تمرض ماتلاقي من يداويها والمرأة عورة حتى يدفنها في قبرها هذا والسلام ختام .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
10-09-2012, 12:13 AM
ضوابط المشاركة
العرض الشجري