حياك الله
1/تعوذي من ابليس ولا تتضايقني من عدم رده عليك ولا تعتبريها اهانه هو زوجك وسترك وغطاك وماقليتي شي خطأ يعتبر امر ماضي وتصرفي عن حسن نيه وانتهى امره
2/بامكانك تعيدي هالرومنسيه وهالايام بطلعه انت واياه لوحدكم حتى لو كانت اخته موجوده ف بيتك لانها اعتادت عليه
3/بيتك ملك ماشاء الله تبارك الرحمن الله يحميكم هل يستحق احد ان اتنازل عنه لااجل من!!!لااجل اخواته حتى لو بلغوا اللي بلغوا مصيرهن بيعرسن ..وراح يكونوا تحت امرين انا كانن مايقصدن اللي يسونه فيك فلابد يكون هناك قوانين لااداره البيت من قبلك حتى لا يتدخلن كذالك بتربيه عيالك وان كانن قاصدات فااعلمي الله بيقتص منهن بالدنيا قبل الاخره وبيلتهن عنك وراح تشوفيها بعينك
4/بيتك اغلقي الاشياء الرئيسيه فيه وخلي غرفه اللي فيها تجتمعون ع السفره وغرفه نومهم مفتوحه والبقيه مغلقه بالمفتاح يعني لهن حدود ف بيتك وانت ماطردي ولاشي انت حتى ترتاحي من كثر التنظيف وغيره
5/جناحك الخاص بعد دخولك انت وزوجك اقفليه خلفكم مهما كان حتى تاخذي راحك ع الاخر
6/ لبسك بالبيت ابد البسي البنطلونات وتمكيجي والبسي حدود عوره المراه امام المراءه لان لا يوجد رجال في البيت اما المخلعه ف غرفه نومكم حتى تحفظي نفسك من اي شي وارد..بالاضافه استقبليه عند الباب ورحبي بدخوله بالابتسامه والدعاء له ولا يهمك اي نقد حتى هو لو رفض انت زوجته
7/اذا كان بغرفه ثانيه نايم روحي ونامي معه حتى لو انه بملحق الخارجي اذا كان يهرب من الغرفه !!
وحاولي تدعيه لغرفه نومك باي وسيله
8/خلي بيتك عامر بسوره البقره والرقيه باي وسيله ولا تتهاوني بهالشي
9/مكان جلوسكم اتمنى تطبعي كلمه ""لا تجعل الله اهون الناظرين اليك"والصقيه وان سالك احد قولي اعجبتني
لان هالرساله غير مباشره توصل لااخت زوجك لان الله اعلم وش وراها بهالمكالمات وغيره الدنيا تخوف
10/لا تسولفين كثير معهن لان مهما بلغتي من الوقوف بجانبهن تعتبري غريبه
11/ اذا جا ياخذك من البيت روحي معه ولا تزعلي ولاشي ..
الاحتمالات واجد ممكن هو مايحفظ سره عن خواته وجت اخته تونس!!ممكن هناك ظرف ماقاله لك كان سبب !!!ممكن نسى الموعد !!الحن احيانا نقول سر نؤمن عليه امام من منعن من الحديث امامه !!!لاتخسري رجل ان كان بهالمواصفات
واحيطك علما الحمد لله هن بنات وباذن الله بالتدريج والمسايسه والمصداقيه مع ربك ان تحلين امورك بقربك من ربك ثم منه
الاهم ان ماطحتي عليه بشي اعظم مركب اخته مو صديقته!!!وبار بااهله وواقف معهم ويمكن راحم اخته لانها تعتبر وصلت لعمر فوق الثلاثين ماتزوجت تلاقيه يداريها ويعاملها بااطيب اكثر من زوجته لان يحس انه الى الان ماامن مستقبلها ابد
زوجك والنعم فيه ان كان خيره لااهله ولم ينقص عليك شي افضل من يكون خيره للناس او ماكل حقوقهم والا مخلي اخواته مع كل من هب ودب
انا اتحداك ان كان معجبه الوضع لوجود اخواته لانه يتصرف من مبدء العادات ويحاول يقرب وجهات النظر وتلاقيه يتعرض ممكن من اسائه او حديث من اخواته او والديه او اي شي ومن الصعب يقول لك
فاانت وازني الامور وكوني قريبه منه لما يدخل استقبليه وابتسمي وانت كاشخه واجلسي جنبه بالوجبات ويدك دايم بيده واغميزي له وانتم جالسين و نام ع رجله لتربع هالاشياء لا صارت قدام اخواته ترى مافيه مشكله ابد ..
بالليل خلسه اذا كان ينام بغرفه ثانيه اتصلي عليه بالتلفون وادعيه لغرفتكم قولي انا يعني دوري اي عذر وقربيه لك باي صوره
ان كان منظور العيب ان تطلع اصواتكم انت واياه بغرفتكم امام خواته تكون غرفتهم المخصصه بعيده عنكم بجانب ثاني

هدي اعصابك على الاخر وتصرفي بحكمه وعقلانيه وخلي اخواته يحكن اللي يحكنه وانت اعترفتي انك سبب نظرا لااسلوبك الطيبه الزايده اللي خايفه تخسر خايفه تطلق خايفه وخايفه وكلي امورك لربك
لا تحسسيهم بامر اللون عمره ماكان مقياس انا اعرف لك بنات جمال لكن لاارغب بمجالستهن لان النفسيه والروح والعقل هو اللي يجذب اكثر مو الشكل
اهم شي بالانثى نعومتها وحيائها بمواقف وعقلانيتها كيفيه ادارته حياتها وعنايتها بنفسها مو من غالي الاسعار بل اللي يوافق ذوقها وانا كان من محلات ابو عشره لان ليس كل مايلمع ذهب ,,لو بنخلد ياغناتي بهالحياه كان ماصبرنا ع ضيم الايام
وانا رفضها للرجل لااجل لونه هناك ازواج بيض كنهم بيض ولهم عيال سمر وسواد الطرحه نظرا لعرق فيهم
هالخلق يحدده ربك هو اللي اوجدهم ..مو لون الزوجين والاهم هو الحياه الاستقراريه والخلق الحسن مو بياض ويصاب لي باامراض لا تتهني بحياتك ولاشي
كل مانمت وصحيتي احمدي الله كثير على نعمه وراح تفرج قريب
ولابد تكون ردودك جاده ونابعه من قران وحديث مثلا اذا قارنت قولي لقد خلقنا الانسان في احسن تقويم
الاهم العافيه وهالجمال اذا لم يستر عن اعين الخلق سااعذب به والله كلن يعطيه ع قد النيه
الله يحميك ويوفقك يارب ننتظرك وانت باتم توفيق من ربك ويحميك بعينه الا ماتنام ويسخره لك باقرب فرصه ويزيده قرب