سلام ياحلوات ردي عالسريع ورايا طببببببببببببببببببببخ

فاكهة .. النوع الثاني لا ما جاب لي شي لا توتر و لا صداع بس تعبتني الدورة
كل اسبوعين او عشر ايام الاقيها قدامي .. اكتئبت من هذاالموضوع خخخخ
وعلى فكرة كانت حبوب خفيفة تبع الهرمون الواحد لاني كنت ارضع
وعلى طول وقفتها و استمريت بعدها سنة و نص على العزل لاني كنت خايفة من اللولب
الحين انا عاملة النحاسي العادي

وصراحة كنت خاايفة قبل ما اركبه من حاجتين (من كثر ماسمعت عنهم)
اولا موضوع الالتهابات ...دايما اسمع نساء يشتكو من تكرار الالتهابات بسبب الللولب
وثانيا النزيق و زيادة ايام الدورة .. خاصة مع فقر الحديد الي عندي اصلا

بس قلت اجرب ولو مانفعني اشيله ..مع تشجيع صاحبتي سوته قبلي و ارتاحت عليه جدا ماشالله
وتشجيع امي الي لها 30 سنة تستخدمه بسم الله ماشالله (مو متواصل طبعا يعني بعد كل طفل
كانت تستخدمه لمدة 3 سنوات و هكذا ..

المهم توكلت على الله و سويت النحاسي
وبصراحة اللهم لك الحمد ماشاء الله تبارك الله
من سنة و 4 شهور مركبته .. اشتغل بالبيت براحتي و ماهم لا عد و لا ايام خطر و لا غيره
والدورة سبع ايام بالضبط لا تزيد و لا تنقص .. و حتى الكمية ماتغيرت كثير
زادت بنسبة بسيطة (اكرمكم الله )
وخلال السنة و4شهور شيكت عليه مرة بس

ومن نصيحة امي لي .. قالت متى تعرفي انه اللولب فيه عله و لازم تبدليه ؟؟
** اذا الالتهابات دايما متكررة معاك
** اذا زادت كمية الدورة بشكل انتي ماتتوقعيه (معناه اتحرك من مكانه)
** اذا جت الالام شديدة (افحصي على سبيل الاحتياط)

ويارب يكمل يناسبني على طول ...


على فكرة لي صديقة من فترة بسيطة حملت عاللولب و هي مو متوقعة
ولما سالتها ,.. قالت الصراحة انه غلطة منها
لان اللولب كان ماشي تمام و دورتها اوكيه
وفي شهر من الشهور شافت نزيف .. فا من شطارتها ماراحت تفحص
انشغلت بالنقل و كدا و نست ..
و الشهرالي بعده كانت حامل ..
فا الوحدة تحاسب من شيل الثقيل و تفحص كل ست شهور و تتوكل على الله



سما ..ياقلبي طالما و انك مقبلة على الزواج ..مالك الا ابرة اليد او الحبوب
مافيه غيرهم ..

هههه هذا ردي السريع ..كيف لو كانت فاضية
الله يعينكم عليا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله