هلا بك ياحلوه ....

أول شي اعرفي وش اهتماماته , كورة ,اقري عن الكورة وحتى لو ماتشجعين ,شجعي الفريق المنافس ههههههه >>>لئيمة ..
عشان يصير بينكم اكشن وسواليف وكيذا ..

اذا تتابعين مسلسل معين رومانسي ,خليه يتابع بعد, وذكريه ع الواتس اب موعد الحلقة ,ترى الرجل يركز بالعموميات وينسى التفاصيل , يعني ممكن يبدأ المسلسل الساعة 8 ,ينسى وش قلتي ويحط القناة 8ونص هههههه

اذا تكلم بشي عن اهله , حتى لو كان موقف سخيف , مثلا قال لك فلانه (اسم اخته) لايفوتك تبينين له ان علاقتك فيها روووعه , اي والله فلانه ياحبي لها من زمان ماكلمتها وحنا متواعدين نطلع المكان الفلاني , مثلا جا طاري (امه) قولي اي ياقلبي عليها عمتي , احب الهدية اللي جابتها لي وكل يوم البسها في العمل او في الجامعة ..


لا يفوتك امدحي عطره , او لبسه .. ترى ماتكلف فيه الا عشان يعجبك ...ولو بالتلميح ..


صلحي حلا بيوم , وكلميه يجي .. بادري فيها من نفسك لو مره ..


من خلال كلامه , رح تكتشفين اذا يحب طفولته اولا , اذا يحبها اسأليه وش كان يشوف افلام كارتون ووو, اما اذا طفولته تعيسة لا , انتبهي ..

اذا كان شخص غير واثق من نفسه , حاولي تنمين فيه الثقة , قولي له , عمي يمدح فيك , او قريبنا اللي في الديرة يشكرك يوم خدمته في كذا ..


اذا حسيتي من صوته متضايق , حاولي تسكتين وتعطينه مجال يعلمك كيف صار الحادث وكيف تهاوش مع الرجال واخذ مخالفة ..بالعامية يفضفض لك ..

نفس الشي اذا غلط بحقك بكلمة سخيفة , اسسسسكتي , لين يقووول كل اللي بخاطره وبعدين قفلي الخط بحجة انشغالك ..بدل الزعاق والمصايح , بيفهم انك زعلتي ويحس بالذنب ويراضيك ثاني يوم , لأنك لو عصبتي وهو معصب بتخسرون بعض ...وبتقلب سالفة كرامتي ومااحترمني وووو ..


موضوعك شدني وحبيت افتي من عندي ( مع العلم انها بدون خبرة ) بس مجموعة قرآءآت ..

ربي يوفقك ..

__________________
(دعواتكم لي)
أن أجد حب حياتي بين الأحياء..!!