زوجتي تحتاج للاهتمام ( ابوحكيم ، البليغ )
السلام عليكم ورحمة الله وبركاته
اخواني ...
انا كتبت عن موضوعي قبل و الحمدلله حلت اغلب مشكلتي الا قليل ، فبالمختصر انا املكت و ادرس في امريكا و مريت بفترة كانت الاتصالات ضعيفة بيني و بين زوجتي الا ان جاء وقت اصبحت لاترد ابدا و كتبت موضوع هنا و الحمدلله استعدت التواصل معاها ...
ولكن ما الجديد ؟؟؟
زوجتي الان عرفت قيمتي و عرفت ان ما تفعله خطأ من حيث انها تطنشني و انا عاتبتها علي ذلك .. من بعد ما حصل خففت الاتصال معها كثير لاني صراحة كنت ابغاها تفهم خطورة اللي سووته و عشان تحس بالخطأ و من ناحية لاني خفت ان كثرة الاتصال قد تؤدي لمشكلة من جديد ،، بينما استراتيجيتي كانت تصليح العلاقات وسوء الفهم الي ان ارجع للسعودية عشان اقابلها وجه لوجه و تصفي الامور ..
الجديد ان زوجتي اصبحت تحس بالوحدة احيانا و تحتاج للاهتمام و هذا ما لاحظته في تويتر ،، فهي سوت ريتويت علي عبارة لشخص ( " زوج (اسمها) ماهو ناوي يطلقها ؟؟ " ) ... وكأنما هي خايفة اني اطلقها ...
طبعا حتي بعد مارجعنا نتكلم مع بعض انا جاملتها في شوية امور مثل استشارتها في تغيير اماكن شهر العسل و اخترت فندق فخم للزواج ( عادة عند اهل نجد الزواج علي اهل العروسة لكن هم اشترطوا اني انا اسويه و مجاملة وافقت وحطيته بفندق زين بينما عديلي سواه في فندق عادي ) ...
الان زوجتي تكتب في تويتر كلام مثل ( البنت الشينة حظها يجيبها بواحد يسويلها كل اللي تبي و الحلوة لأ ) و كلام من هالنوع ...
احس اني مقصر نوعا ما مع زوجتي بالثقل اللي انا مسويه هاليومين ... لكن اخاف لو رجعت اعطيها كلام حلو كثير زي اول ترجع هي تتثيقل و تسحب علي .. مع العلم اني برجع السعودية خلال 3 اسابيع و هالايام عندي اختبارات .. ووالله مع اني احاول اذاكر لكن افكر فيها كثير و اقرأ كتاب الرجل من المريخ و المرأة من الزهرة بدل ما اقعد اذاكر ...
ودائما اقوم الليل و ادعي و اصلي و ان شاء الله اتصدق لو لقيت مسلمين هنا ..
رجاءا نصائحكم لاتبخلون علي فيها لاهنتم ...
اخوكم نواف
التعديل الأخير تم بواسطة شقـردية ; 04-11-2012 الساعة 12:33 PM
السبب: تعديل العنوان ليوافق قوانين القسم
04-11-2012, 06:51 AM
ضوابط المشاركة
العرض الشجري