رد : "زينتك تخرج للنساء في صالات الأفراح.. أم لزوجك؟"
السلام عليكم ورحمة الله وبركاتة
كلام جميل ونصح وارشاد اجمل
بس اتصدق ياخوي ياحاتم وصلنا لزمن صرنا فيه حنا اللي نتزين ونكشخ وذرابة وسنع وعطور ونسفر وجوهنا لهن وابتسامات وصدر وسيع وضحك ومزوح "ونظافة" وهن بالجهة المقابلة اسمنت!! لاتعرف تلبس ولاتفهم بالعطور والبخور وماتهتم بنظافتها الشخصية ووجهها اليا جتك كأن مذبوح لها احد!! واذا حست الطوفة هي تحس!! واذا حبيت اتصارح بهالشي بكل حب وروح حلوة ياويلك ياسواد ليلك!!
يبدأ عاد مسلسل التضحية مالهن!! انا سخرتلك نفسي وعطيتك زهرة شبابي (طبعاً تكون صارلك 3 سنوات معاها بس وتحسسك كأنها عطتك 30 سنة!! هوااالة) بس انت شكلك مليت مني ماعاد تبيني .. واكيد شايفلك شوفة!! وتهل لك دمعتين تضبط فيهم الحلقة الاخيرة لمسلسلها عشان تقلب عليك طاولة اهمالها لنفسها معك!!
لكن بس تجيها امينة وايمان وامنة (صديقاتها) تنقلب وتصيرلك باسكال مشعلاني بقدرة قادر!! وخذ السنع والذرابة والكشخة!! والكلام الحلو ناهيك عن الهياط!!
تلقاها حاطة من عطور زوجها ويسألنها رفيجاتها شنو هالعطر ومنين
ترد عليهن والله هذا جابة حبيبي (زوجها) لي هدية مع سلة عطور ثانية
بمناسبة عيد زواجنا
وخذ من هالتملغ هههههه
حبيبي ياحاتم خليتني اضحك والله
__________________
استغفر الله واتوب إليه
التعديل الأخير تم بواسطة المتفائل بالله ; 16-11-2012 الساعة 06:43 PM
16-11-2012, 06:41 PM
ضوابط المشاركة
العرض الشجري