هذه الرسالة قيمة وخاصة انها من شيخي الشيخ سلطان العمري ؛ انصح الجميع بالاستماع رائعة قليلة في حق المحاضرة.
🌸 تسجيل لمحاضرة قيمة 🌸

. بعنوان :
💗 عاشقات الجنان 💗

لفضيلة الشيخ :
💎سلطان بن عبدالله العمري💎

أُلقيت في مجمع أنس بن مالك النسائي
لتحفيظ القرآن الكريم بحي الورود بتبوك

للاستماع
http://al-da3y.com/UP/uploads/ashqaat.mp3

📝 من نشرها فله أجرها 📝

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

الله يجزاك خير غاليتي هل ترانا نلتقي وبارك الله فيك حملت المحاضرة كاملة وبستمع لها ان شاء الله تعالى وعلى فكرة ترى هالشيخ اخبر إنه يرقي المرضى وسبق وذهبت له اول ماسكنت تبوك كنت احمل واسقط ورحت له وقرأ عليه واعطاني بعض النصائح والماء والزيت المقري والحمدالله تعافيت بعدها بفضل الله سبحانه وتعالى الله يجزاه خير ويجزل له الأجر والثواب بإذنه تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اي اعرفه مسجده بجوار السكن الجامعي الي كنت اسكن فيه
الله يجزاه خير صاحب السكن موصل لنا سماعة من المسجد في صالة السكن الداخلية
جميع المحاضرات والدروس الي يلقيها بعد العصر كنا نسمعها والأذان والصلوات كلها نسمعها.
حتى الشيخ سلطان جزاه الله خير كان مسوي لنا مسابقات وهدايا قيمة من مكياجي وبودي شوب حركات يعني اننا بنات.
وحتى اذكر انه فيه وحدة من البنات تتعب وكان يجئ عندنا بالسكن ويرقيها جزاه الله خير كان حريص على بنات السكن بالنصح.
( حنيت والله لأيام ماتنعاد والله. ). لكن حالياً ماهو موجود في تبوك نقل للرياض تعب وجته ظروف.
ماشاء الله يكفي انه ترك اثر بعد رحيله الله يجزاه خير.
مدري استأنس بس أشوفك ياام سلطان أتذكر الايام الخوالي. ربي يسعدك.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

حياك هل ترانا نلتقي ماشاء الله تبارك الله وانا اقول وش هالبنت عاجبها الشمال إلا اثاريك درستي الجامعة عندنا بتبوك اذا كنتي لك فترة من يوم مارحتي من عندنا ترى تبوك تغيرت 180 درجة تطورت وصارت فيها نهضة عمرانية كبيرة وحتى الجامعة جامعة البنات نقلوها برى خارج البلد صارت على الطريق اللي يوديك للأردن في حي جديد وراقي وكل الدوائر الحكومية صارت مبانيها خارج البلد في احياء راقية وجديدة وصارت عندنا كباري وجسور وايش وحدائق ماشاء الله في كل حي حاطين حديقة مزروعة بجميع العاب الأطفال وايش اقول لك الحين كمان ابتدى البناء في جامع الوالدين على نفقة الأمير فهد بن سلطان لوالديه اكبر جامع في منطقة تبوك كلها ويتسع 14000 الف مصلي ويقع في نفس الحي اللي فيه جامعة البنات على طريق الأردن وحقل وكمان مطل على الطريق الرئيسي للمنطقة عاد يارب تمرون المنطقة ولو مرة وحدة زيارة وتشوفون وشلون تغيرت وتطورت وربنا يسعدك والحمدالله اللي خلا شوفتك لي تبعث الفرح والسرور لنفسك وتذكرك بالأيام الحلوة اللي عشتيها في الشمال واجمل مافي منطقة الشمال الراحة النفسية والله ان الواحد نفسيته فيها ترتاح وتنبسط وكل من عرفته يمدح الشمال وكل من زارني يقول هالمنطقة تريح النفس وتوسع الصدر
بالنسبة لشيخ سلطان الله يذكره بالخير كنت اراجع عنده على مدى حملي الأول ثمانية شهور كنت احمل واسقط بالبداية وعقبها حملت بسلطان وصار معاي نزيف ولولا لطف الله وقدرته كان راح يصير فيه مثل الحمل اللي سبقه وطبعا رحت لشيخ بعد معاناة مع المستشفيات والنزيف المتكرر وراجعت عند الشيخ هذا والحمدالله ربنا اراد ان يتم الحمل ويعيش الجنين وتوفقت واستمريت على الرقية حتى انقطع النزيف تماما بعدها واصلت على الزيت والموية المقري ثم اتابع الرقية شهريا بإستمرار عند الشيخ سلطان العمري حتى ولدت ببداية الثامن واحنا ماكنا نعرفه بس واحد من زملاء زوجي دلنا عليه الله يوفقه وين ماكان يشهد الله انه شيخ فاضل نحسبه كذلك والله حسيبه وبالنسبة لنقله لرياض وتعبه والله ماعندي عنه خبر إلا منك انتي ونسأل الله ان يشفيه ويعافيه ويحفظه لأهله ومحبينه وربنا يجزل له الأجر والثواب على كل ماقدمه لناس اللي كانوا مرضى وكان يقرأ عليهم اللهم آمين يارب

والله يجزاك خير ذكرتينا بشيخ فاضل وبإذن الله ماراح ننساه من دعواتنا لأن له جميل ودين علينا وحق علينا ان ندعوا له ان الله يفرج همه وكربته ويصرف السوء عنه وبارك الله فيك يالغالية .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله