زاويه جمآل - منتدى عالم الأسرة والمجتمع

02-01-2013, 02:50 PM

أم خالد.

عضو مميز

تاريخ التسجيل: Oct 2011

المشاركات: 3,950

رد : زاويه جمآل

ااونا ..
اهلين بِ قلب المنتدى النابض

تفائلت جدا لما شفتك اول وحده شاركتي ..
و اخيرن عرفنا السر > في مكان ثاني قلتي انك ما بتقولين و كفشناك

حلوة الماسكرا اللي تستعملينها , كنت استعملها زمان بس غيرت النوع
كريم شارلي .. ما اعرفه بدور عليه في قوقل
يمكن اعرف شكله , يا ليتك نزلتي صورة له
بس يعطيك العافية اللي شاركتيني ..

فدى امي ..

يا هلا والله بالغالية , تسلمين خجلتيني يا خيتي
اللي حطيتي صورته يجنن مره
الله يسعدك يارب , فرحت جدا بتفاعلك
بعطيك نجمة كبيرة عشانك نزلتي صور

هلا هلا بالعزيزة ام حمودي

صدقتي يا خيتي , البشرة شي مهم جدا و كلنا عندنا نفس التردد في استخدام شي جديد
بس الوحده تسأل كثير عن الشي قبل لا تجرب , وعشان كذا فتحت هالموضوع
ماركة ماك , تجنن بس اسعارها شوي غاليه .. انا ما اشتري كل شي منها
بالنسبة لحمام الزيت للشعر انا كنت سابقا استخدم فاشكول
بس انتقلت لفروكتس , جربيه حتدعيلي ..
السدر روعه بس مشكلته ينشف الشعر و تضطرين معه تستخدمين
شي يرطب الشعر , ويعطيه رونق ولمعان
جربي هالمجموعه اللي نزلت صورتها من فروكتس
كريم ترطيب وحمام الزيت , كلمة رهيبة شويه فيها
وفيه ماسك بعد , هالاشياء كلها تجربينها وتعطيك نتيجة مرضية

زيت جونسون للجسم حلو كمان , بس ما ينفع لوحده
لازم اشياء تانيه , ان شالله البنات يتفاعلون معنا و كل وحده تكتب طريقتها
في الترطيب , و نستفيد كلنا ..

__________________

‏
الوعي هو الملاذ ..

أستغفر الله العظيم ؛
( الفردوس غايتي )

02-01-2013, 03:26 PM

أم خالد.

عضو مميز

تاريخ التسجيل: Oct 2011

المشاركات: 3,950

رد : زاويه جمآل

خلطة رائعه استخدمها من سنين و أتوقع معروفة عند الكثيرات
بس حبيت اذكرها للتذكير .. خلطة الليمون والجليسوليد
استخدمها للترطيب , يدين ورجلين والجسم كامل بعد الإستحمام

فوايدها كثير ..
ترطيب , تقشير , تفتيح , نعوومة مالها مثيل
اعرف بنات استخدموها لتفتيح الابط و الاكواع
وتنفع كمان للي عندهم تشقق بكعب القدم , بعد ثلاث ايام من استعمالها
ولبس الشراب , تلاقين نتايج رهيبة ان شاء الله

مكوناتها ,.
علبة جليسوليد الكبيرة كاملة + بيالة شاهي لكلٍ منْ
زيت اللوز _ زيت الخروع _ زيت الجلسرين _ ليمون
تخلطينها مع بعض وتحفظينها في علبة و بس ..
هاذي صورة للكريم ..

فيه ناس تحط مع هالخلطة , حبتين من فيتامين سي الفوار
للامانة , ما قد جربته معها , بس قرأت في النت تجاربهم
يمدحونها برضو .. انا حاسة كذا انها حلوة ومناسبتني و ما يحتاج اضيف الفوار

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه