سؤال إضافي:
في الخلافات السابقة..
أ- كيف كنت تحل الموضوع معها؟
ب- في حالة ذهابها لبيت أهلها.. كيف تحل الموضوع معها؟
ج- هل تتفقان على شيء معين فيتم إخلاف الوعد بينكما؟

اقتباس:

المشاركة الأصلية كتبت بواسطة البليغ سؤال إضافي: في الخلافات السابقة.. أ- كيف كنت تحل الموضوع معها؟ ب- في حالة ذهابها لبيت أهلها.. كيف تحل الموضوع معها؟ ج- هل تتفقان على شيء معين فيتم إخلاف الوعد بينكما؟

ا/ كنت اراضيها واتنازل وابوس راسها عشان تفكنا من المشاكل


2/ ماصارت الا مره يوم خليتها 4 شهور عند اهلها وملت هي وكثر كلام الحريم عليها وبدو ينغزونها بالكلام وكبر الموضوع وعرفو اخوانها اتصلت علي وبدا كل طرف يتنازل عن شي ورحت لا اخوها وتنازلت عن اشياء حطيت الخطاء علي وهي على كلامها ان كانها صادقة تقول اني انا قلت لاخوي الكبير اني انرفزه وانا اخطيت بعد


3/ نعم اي شي اتفق معها عليه لايمكن ان تواصل الاتفاق البنت ماخذه فكرة في راسها ان الزواج مافيه مسئوليه بمعنى لو اطلب شي تقول ماني خدامة اذا رايقة اسوي واذا رايقة تسوي ولما اطلب تسوي بس اذا طنقرت يعني انسى تسوي شي حتى من الحقد تطفي منبهات الدوام عني


4/ اسلوب الحوار معها عقيم لانها لاتقبل الحوار ولا يمكن تستمع للطرف الاخر تقاطعني بالكلام وكل شي لها عذر عنده مستحيل بيوم من الايام تقول اسفه العذر جاهز على طوووووووووووووووووووووووووووووووووووول


نقاط توضيحية اخوي البليغ

البنت الله يصلح حالها تبحث عن اسباب مقنعة لا اهلها عشان تطلق بمعنى اوضح في بعض الخلافات كانت تهدد وتستفز اضربني واذا انت رجال ابن رجال والي جابوك رجال ودني ولا طلقني طبعاً انا ارد عليها واقول لها ماني رجال ارتحتي واروح انام.


الان بعد ماطلقت انها ماتحلق الولد يوم تكلمني وتستفزني وتقول ترى الحين تطلقت لاني حلقت الولد ومابيني وبينك اي شي يعني ميانة مافيه انت ابو ولدي فقط.

طاعة للزوج مافيه يعني لو اقول لا لابد يصير هوشه ولا انتنازل وكلامها يمشي.


هي تطلع من الدوام الظهر وترجع تحصل الخدامة مسويه لها الغدا ارجع انا الساعة 5 احصلها مسويه قهوة لي طبعاً هذا شرط انام وتنام واصحى قبلها وللاسف ماتصحى لما اصحيها ولا بتسحبها كالعادة

واذا عصبت عليها وقلت كفاية نوم حسي اني موجود ترى كلها ساعتين او ثلاث وارجع انام ابي اجلس معك ترد انا في بيتي انام على كيفي انتي تبي انسانه آله عندك !!


واذا جلسنا تقعد على هالمسلسلات التركية والجوال في يد والاب توب في يد !


استفزازها لي كثير وخاصة انها تقدر تستغني عني بمعنى انها جتني قبل فترة قالت حصلت سواق يوصلني من مدينة اهلي الى جامعة الرياض يعني توقع بيوم من الايام اني اروح ولا ارجع !!



يعني بسحب عليك تزوجت وسافرت وجبت ولد وهذاني ادرس وش عاد ابي خلاص انتهى مفعولك


البنت بمعنى بايعتها لاني تكلمت معها في موضوع الطلاق ورسمت الطريق قدامها وقلت شوفي وش راح يصير لك لو تطلقتي لا تتوقعي انك تعيشي في رغد ترى اخوك تزوج الي كان يصرف عليكم واخوانك الكبار انتي واختك متناشبة مع حريمهم وهم بنات عمك وشوفي كيف يحاسبونك على اللبس وعلى الدخلة وعلى الطلعة وانتي اخبر مني فيهم


ردها عادي انت اصلا مريض نفسياً رح دور لك وحدة على مزاجك تطبخ لك وتقوم لك متى ماتبي انا لو تطلقت مادام امي عايشة عادي اسجل في حافز وافتك من الزواج والمسئوليه

شكراً للتوضيح..
لن أرد عليك حتى تأتيني بنتائج زيارة اليوم للطبيب إن شاء الله..
بعدها نكمل بعون الله..