على حسب علمي أعرف ان مريض الاكتئاب يتجاوب مع العاطفة والحنية ..

قول له خايف عليك يا غالي .. خايف عليك يا والدي وما أحب إلا تكون بينا ومظلل بيتنا .. وكل خوفي تكون أدوية الطبيب مو مناسبة لك لأنه ما شافك من زمان .. وهذا الطبيب الجديد مشهور ومعروف وياخذ دورات ويجدد علمه على طول .

ارجوك يا والدي اذا لي خاطر عندك تروح معي بس هالمرة وان ما عجبك الطبيب وما ارتحت له لا ترجع عليه

حاول بوالدك مرة ومرتين وثلاث .. وخل والدتك تحاول من جهتها معاه على انفراد
أهم شي أن تكون كلماتكم أنت وهي تحمل معاني المحبة ..

واذا قدرت ارجع كلم الدكتور طارق وبلغه ان والدك رافض يروح

__________________