أقولك ليش لن اصلك طيب وما تنسى الفضل وتحس بقيمة من يساعدك .. أنت حبيت مساعدتها أو بالأصح مساعدة والدها لك . وأعجبك جمالها .. اما من ناحية شخصيتها وأنك حبيتها كإنسانه فيا أخي ما أمداك لأن ما عشت معاها وقت كافي ولا عاشرتها بما يكفي حتى تحبها .. بالأول كانت صغيرة كثير وما تكونت شخصيتها ومن بعد ما سافرت وانقطعت عنك سنين بدأت تتكون شخصيتها فلما رحت انت لقيتها وحده ثانية . هي جاملتك وابتسمت لما استقبلتك وبدأت شخصيتها الحديدة تتعرف عليك وواضح بأنه ما عجبتها فبدأت تتغير من اول أسبوع وبالجامعة راح تتغير أكثر وأكثر .

اذا ما تعرف لغة أخي ادخل معهد وتعلم .. اللغة عامل كبير للتقريب بينكم ..
ما تلاحظ أنها تستعمل الانجليزي بكلامها مع اخوانها وتدخل كثير كلمات بجملها معاهم ؟؟

وادخل جامعة واضغط على نفسك وادرس .. سواء تقبلتك زوجتك أو لأ .. التعليم والشهادة من أمريكا هدف كبيييير وكثييير أهم من انها تحبك .. الشهادة هذي بترفع من كل شيء بحياتك .. شفت النقلة اللي انتقلتها لما رحت أمريكا ؟؟؟ تحس بفرق بين حياتك هذي وحياتك قبل ؟؟ لو درست بتقفز ضعف هذي القفزة ..

من أجل خاطر بنتك أبذل جهدك عشان تكسب زوجتك لكن لا تخليه هدف حياتك ولا هي آخر بنت بالدنيا .. البنت اللي تعزني أعزها واللي تحترمني وتقدر صفاتي السنعه أحترمها واشيلها بعيوني لكن اللي يعيفني أعيفه واللي يطالعني بعين أطالعه بثنتين .. وربك هو اللي سخر لك عمك وهو اللي كتبها لك زوجة وتكون ام بنتك .. وهو سبحانه اللي يرزقك باللي أحسن منها .

__________________