السلام عليكمم ورحمة الله وبركاته
آبغى أستشيركم في موضوع وآتمنى تتجاوبون معي وتهونون عن النار اللي بقلبي من سنه تقريباً زوجي تغير نظامه 180درجه صرت اعاني معه مره نظاممه غير عن نظامي مع انه كنا نفس النظام مثلاا هو اللحين شغله مو من الصباح ويصحى بدري وانا نايمه ويطلع ماآدري وين يروح وبالليل ينام بدري مره ومايبغى انام معاه انا والنونو عشان مانزعجه ويصحى بدري مره ماكأنا في بيت وحده كلمته وناقشته بس مافي فايده والله والله مقهووووووره عايشه لحالي ماأدري وين يرووح وين يجي مايطلعني ولاشئ طييب اللحين مو من حقي آشتغل اواآطلع من البيت انا اراعي من في البيت إذا زوجي مش موجود فيه آتمنى منكمم ترشدوني كل الرجال كذا وإلا وش قاعد يحصل معاي بالضبط...

طولي بالك يا بنت الحلال
هل نظامه شفتات
يعني دوام الصبح ودوام المسا او دوام واحد
معقول ما بتلتقي معاه على فطور او غذا او عشا
معقول ما بتطلعوا تشتروا اغراض البيت والبيبي
معقول ما عندكم زيارات للعائلة او انتي في بلد غربة عايشين
وضحي اكثر
اكتبي جدول يومك انت من اول ما تصحي واكتبي جدول زوجك علشان نعمل لك نظام تمشي عليه معاه

__________________
انا لله وانا اليه راجعون

نظاام دوامه استلامات يداوم يوم وكم يوم بدون دوام
يصحى بدري ويطلع وماآشوفه إلا على الغداء يتغدى ويطلع وماآشوفه إلا وقت النوم يشيل حاله ويروح ينام
وانا اقوم الظهر آسوي غداء وأظل كل اليوم لحالي
وأهلي في نفس المدينه بس ماآروح لهم إلا في الاسبوع مره وبعض الاوقات ماآروح لهم لأنه يتضايق إذا قلت بروح عند أهلي فأريح راسي من المشاكل

اهلا ان شاء الله مبسوطه
هل فكرت أصحيح ما يفعله زوجك ام خطأ(اقصد نظام النوم و الاستيقاظ)؟
يا عزيزتي الله جعل الليل سكنا (و جعلنا الليل سباتا وجعلنا النهار معاشا). هل فكرت انت ان تجعلي منامك بالليل و نشاطك و عملك صباحا؟
لو نهضت صباحا و حضرت له الفطور و كلمتيه بكلمات الحب سيقول لك اين يذهب، كيف يقول لك انه ذاهب الى المكان الفلاني و انت غارقة بالنوم؟؟!!
جربي اسبوعا و انتظري النتائج

ياأختي انا لدي طفله رضيعه فأضطر أن آسهر معها ولأكني آستيقظ إذا آستيقظ من النوم وأحرم من النوم من القلق

ياحبيبتي الله يفرج همك يارب بس لازم توضحي اكثر يعني الايام اللي ماعنده دوام يخرج من الصبح ويخليك والا كيف
اتمنى توضحي عشان نساعدك ان شاء الله
وشوفي تقريبا انا زوجي طول وقته بالدوام واحس احيانا بالوحده بس الحمدلله حاولي تشغلي نفسك باي شي بطفلك حاولي تحببيه بالبيت استقبليه اذا جاء من الدوام اجلسي معاه ودعيه حاولي تصحي بدري معاه وعادي اذا راح نامي واساليه فين رايح عادي اختي مافيه شي اذا سالتيه هذا من حقك
شوفي ياقلبي انا جربت الوحده ومازلت اعاني احيانا بس احاول دايما اصبر وادعي ربي يصبرني في النهايه زوجك لما يروح الدوام يتعب عشانكم حاولي قد ماتقدري انك ماتسوي مشاكل بوجوده ترى الفراغ والوحده تخلي الواحد احيانا يسوي مشكله بدون سبب بس نصيحه من اختك ابتسمي بوجه زوجك وحاولي تتكلمي معاه بهدوء وان شاء الله باذن الله يرجع يجلس معاك اكثر

__________________
اللهم فرج همي

كلمت زوجي آمس وناقشته بس مافي فايده قلتله ليش تحاول تتهرب مني وماتبغاني أطلع معاگ وتطلع وماآدري وين ترووح
قالي مو على كيفگ كل ماتبغين تطلعين أطلعگ مع أنه والله العظيم ماأضغط عليه يطلعني لأني عارفه بيطلعني من دون نفس
والله العظيم قلقانه ماآدري وش آسوي ،، ماآدري كل هذي الأوقات وين يرووح أنا خايفه أن تنتهي حياتي بمعاناه كما بدأتها معه..

^
^



لماذا أنت قلقة هكذا؟
هل تشعرين بأنك مقصرة؟
هل تشكين في أمره وأن هناك ما لا يعجبك ويخفيه عنك؟
هل سبق وأن فعل أموراً لا ترضي الله ؟

يعتمد على اسلوبك هو الي يطيرة وهو اللي يجيبه!

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

فعلاً يعتمد على اسلوبك.. الزوجة لديها قدرات لو استغلتها بحسن نية تقدر تسيطر على زوجها اقل شي80٪
ستبدي لك الايام ان تلك القدرات لم تستخدميها بشكل يخدمك .. اذا تمارسين الندية تركيها وكوني له مهاداً وانسانة جاذبة له

__________________
ان انت اكرمت الكريم ملكته.. وان انت اكرمت اللئيم تمردَ!!