السلام عليكم ورحمة الله وبركاته

انا احترت والله لا اعرف ماذا يجب علينا ان نفعل..


ابي ليس لديه بالدنيا غير ابنتين و اولاده كثر ... وعندنا ولد ورانا النجوم بعز الظهر ...

ماساب شي من البلاوي بالدنيا الا وسواه.. وفوق ذاكله طول عمره يمد يده حتى اخته انا ما سلمت يوم كنت ادرس بالبيت مد لي يده يبي فلوس..

والحين زنينا على راس امي زوجيه ولقت له امي بنت على خلق ودين و هم من الاجئين بالسعوديه وترضى بالحال وتبي الستر وبس..

وهو قال لا يبي وحده عن طريق صاحبه.. وجاب بنت وهي من نفس جنسية الأولى الله لا يوريكم ...

كل بلاوي الدنيا فيها ومسويه فيها راعية تقى ويوم جت امي تفاتحهم بالمهر طلبو منا 35 الف وامي زعلت لأن نفقات الزواج كلها على قفى امي وابوي واخويا ابدا ماراح يسدد..

والبنتين من نفس الجنسية

بس قلت بنفسي يمكن ربنا رحم الأولى عشان اخويا ذا بالذات انا غاسله يدي وشاطفها منه ..

بس يوم يطلعوا متزاعلين مع امي يقوم يتمشكل معانا احنا البنات ليش؟؟؟

عشان يغصب امي وابوي يدفعون اللي الناس يبغونه وعشان يتزوجها ...

ها احنا ايش دخلنا بالنص فهموني ..

وكيف الحل مع ذا الآدمي ...

كم مره ابويا طرده ولا هو راضي حتى يطلع من البيت جالس زي الشوكه بالحلق وطرار وفوق ذا كله موظف وراتبه حلو وبرضوا يتشحت...

الا انا ماكتبت نقطة الغيرة اهو طول عمره مانسمع منه غير البنات البنات..

ويحاسب امي وابويا لو يشترون لنا مشط .. وهو يشتغل بس فلوسه ما تكفيه وبرضو ويش نسوي معاه..

__________________
بلادي بلادي منارالهدى ومهد البطولة عبر المدى عليها ومنها السلام ابتدى وفيها تألق فجر الندى بأسم المهيمن حامي العلم وعزم السيوف وهدي القلم

رومانسية ..

فكرتيني بواحد من اخواني .. كان ينكد على أمي و علينا عشان يرضي اهل زوجته ..

.
.

الي مثل كذا .. بكرة تصير بينه و بين زوجته لاسمح الله اي شي ..
يقوم يحط حرته على اخواته ..

و دام عنده راتب .. لييييه ما يزوج نفسه ؟
و بلاش دلع و تدليل له ..

والله صادقه

بس احنا فاض بينا الكيل والوالد والوالده خلاص ما عادهم يتحملوا ...

وصرت ما اقدر اشيل حتى مسئولية شغل البيت بعد مرضي.. وكفايه عليا هم مرضي وتعبي بالعنايه بأمي وابويا واختي غير كدا ما اقدر استحمل واحد ينبش ورا المشاكل في البيت .. وهو يطلع ويمتع نفسه بالفلوس بعدها يرجع ويبغى كمان..

نبغى نزوجه ونفتك...

والله الحرمه قهرتني يوم طلبت مبلغ كبير طيب وش فيها لو تاخذ زيها زي ما ياخذوا نفس البنات الثانيات من جنسيتها مو نكايه بالبنت بس وقتها اهلي حيقدروا يدفعون المهر ونزوجه اهي عجزتنا بذي الطريقه... وهي عارفه راتب الولد كويس.. وعارفه وضعه.. وبرضو متشرطين ويطمعون هم كمان احنا نعطيهم فلوس ..

من ايش مخ ذول الناس مركب بس ابغى افهم!

ماراح فيها الا احنا البنات...

مع ان امي قالت له ترا انهم داخلين بطمع وهو قام يقنعنا انهم يبون الستر وبيرضو بأي حاجه..

فكري انه متواطي معاهم عشان ما يبغى يتزوج..

والله ربنا رحم بنت الناس الأولى منه .. وبالنسبه لثانيه فعلا ايقنت بمعنى الآية

قال الله عزّ وجلّ : ( الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات أولئك مُبرَّئون ممّا يقولون لهم مَّغفرةٌ ورزقٌ كريمٌ )

ما ابغى اتكلم بأخويا بس صدق يكفي انه ما يقوم بوالدينه في اثم وكبيره اكثر من كذا..

وبالنسبه لراتبه هو مو ذاك المبلغ بس بالنسبه لعازب يعتبر راتب جيد ويقدر يفتح منه بيت لو كان مدبر بس اهو يدين فوق راتبه لأنه مو مكفيه..

__________________
بلادي بلادي منارالهدى ومهد البطولة عبر المدى عليها ومنها السلام ابتدى وفيها تألق فجر الندى بأسم المهيمن حامي العلم وعزم السيوف وهدي القلم