ابوي رجل الرجال الدكتور تكلم معاي بشكل عام عن الاكتئاب قال لانه ماشاف المريض بنفسه بس يقرا ملفه المرضي ... قال مرض الاكتئاب يصيب 10% من الناس في العالم .. وبعد قال ماقدر احدد لك اذا الرجال بيتعالج 100% ولا لا بس اللي مكتوب عندي انه يستخدم جرعه بسيطه وانه فتره ويخلص علاج بس انا مش رب العباد بقول لك مابيرجع يمكن يرجع ويمكن لا .... وبعد ااضاف وقال لو مرض خطير نفس الجنون او الانفصام بحذرك منه ( وبعد ذكر لي ان الرجال يعالج من فتره شبه طويله من سنة 2010 يعني تقريبا 3 سنين )

السلام عليكم ورحمة الله وبركاته


ابوي البيلغ ورجل الرجال .... عندي بعض الاسئله محيرتني وماادري اذا تفكيري مبالغ فيه ولا لا ؟

الرجال يوم امه تخطب له في البدايه عادي تقول نحن خايفين ترفضونا ؟ لان ام الرجال يوم خطبت لولدها كلمة امي بالتلفون عن الموضوع وقالت انا خايفه ترفضون ولدي وغابت مدة سنه ثم ردت واتصلت وقالت نفس الككلام بس امي قالت نحن مابنردكم لو الولد ماطلع عنده شي عقب خطبوا رسمي

والشي الثاني الخاطب مادخل بيتنا الا يوم الخطبه ... مازاارنا في العياد وحتى عرس اختي الي كان من اسبوعين ماحضره ... هل هذا الشي طبيعي ولا ؟


جزاكم الله خير

السلام عليكم ورحمة الله وبركاته


ابوي البيلغ ورجل الرجال صدق منحرجه منكم بس ماعرف اذا بتقدرون توجهوني وتنصحوني ولا مشغولين لان وضعي بدء يتعقد اكثر عن قبل وبديت احتار اكثر ... وانا ماحطيت موضوعي في قسم المقبلين على زواج لاني الاعضاء ماشاء الله يبون الخير بس المشكله كل واحد رايه يختلف عن الثاني بس اذاا ماشي مجال هنا بحط موضوعي هناك ...



اخر تطورات الموضوع ....

طلبت اجتماع مع اهل البيت اللي هم ابوي وامي واخواني الكبار ... ابوي قال فالك طيب اليوم بنسوي الاجتماع وهالكلام من خمس ايام ... وكل يوم ياجل ماعرف يتهرب ولا صدق مشغول ... واحد من اخواني اتصل علي وقال بكلمك بالموضوع قلت له ابا اجتماع قال الاجتماعات فاشله ومامنها فايده عقب قااال ياختي ترا الولد ماضمنه لك بس " مظهرين " الولد رجال وطيب هذا من كلااام ربعي يسوق ويشتغل ويجلس مع الرجال عقب قلت له اي انسان بيسوق وبيشتغل ويجلس مع الرجال وبيقهويهم تم يقول اناا ماعاشرته عشان اضمنه بس كلام ربعي .. عقب انقطع الخط واتصل مره ثانيه قال خلاص بنتكلم في الاجنماع

الحين الصبح امي فتحت الموضوع قال يلا شو ردك قلت لهاا وين الاجتماع ؟؟ قال اي اجتماع قلت لهاا ابا كلمة الكل في المجلس قال الكل عطاك كلمته عقب قلت لابوي ترضاه لي يقول انا ماضمنه قلت لها محد يضمن حد انت ماتضمني له بس ابا اعرف ترضاه ولا لا يقول انا قلت لك رايي وعقب قالوا شو تبين بالضبط قلت كلمة الكل قالو كلنا تكلمنا الا اخوك الكبير واخوك الكبير يقول انا مابقول لكم لا تزوجونها او زوجوها عقب قلت محد بيجبرني بس ابا اعرف رايكم في الرجال هو يرضاه ولا لا عقب ابوي عصب وقال اخوك يقول انا مابرضاه لبنتي وهذا تفكيري بس انتوا كيفكم هذي بنتكم وامي بعد عصبت قالت خلاص سمعتي كلمة اخوك خلاص يلا ارفضي وقولي فلان قال ماراضاه عقب قلت ابا اجتماع من الكل


الحين صح قلت ابا اجتماع بس تقريبا الموضوع وااضح الكل عطاني رايه ابوي للحين احس انه متتردد امي احسها تباااااه بقو واخوي الكبير مااايباه واللي بعده يقول راي ربعه في الموضوع وهو ماله دخل ...اخواتي قالو شوفي الرجال نحن مانقدر نعطي راينا


ماعرف الحين شو اسوي احتر


جزاكم الله خير

جزاكم الله خير ... ابا مشورتكم ونصحكم

ابوي رجل الرجال جزاك الله كل خير
انا اعلم بالاجابيات والسلبيات واستخرت

اجابياته كثيره يصلي عنده بيت منفصل عن اهله يسوق عند وظيفه اهله كثير طيبين وسمعته عند الناس زينه
سلبياته يعالج من مرض الاكتائب + يدخن

استشرت طبيب نفسي اخر غير طيبيه قال لي ماقدر انصحك بشي لان الولد ماتشخص بس اخوه وصف للدكتور حالته يعني علاج الدكتور مبني على اساس مش صحيح فماقدر اعطيك توجيهات (يعني اذا كم نسبة رجوع المرض لقدر الله او كيف تقدرين تتعاملين مع هذا النوع من الامراض)
وسئلت مشايخ قلت لهم عن حالة الولد وانه زين بس يعالج من الاكتئاب وانها فتره ويخلص علاج ... قالوا لي ابعدي لانه بعده صغير وجاله اكتئاب كيف لو كبر المسؤوليات تكبر فاحتمال يرجع له المرض
فالحين اناا محتاره لان الولد اجابياته كثيره "ماشاء الله" واهلي يقولون ماشي شباب صالحين في هذا الزمن بس بعد اخاف اتزوج ويرجع له واهلي عطيتهم الرفض من اكثر من اسبوع بس مش قادرين يردون على الولد يقولون الولد زين وبتفوتينه ( وهذا الشي مخوفني اكثر وااكثر )

السلام عليكم ورحمة الله وبركاته

جزاكم الله كل خير ابوي الرجل الرجال والبليغ على اعطائكم لي النصح والارشاد

موضوع الخطبه الحمدلله انتهى وتم الرفض .... ابوي كلمني في غرفتي عن الموضوع وتم يحلل السالفه من البدايه للنهاية عقب قال خلاص دام انك مب مرتااحه برفضه وخرج صلى وانا صليت وصليت استخاره في رفضي له عقب امي عرفت بالموضوع وردت كلمتني يابنتي كيف وليش يعني مناقشات ونحن نحبك ونبا لك الخير ومن ضمن حديثنا قلت لها ترا الولد يعالج من 2010 يعني تقريبا سنتين ونص انصدمت وكانه اول مره تسمع هذا الكلام قالت كيف انا على بالي من كم شهر بدا يعالج !!! عقب قلت لها ترا سرنا المستشفى وسمعتي كلام الدكتور قالت ماااركزت على هذي النقطه ,,,, عقب قاااالت لا دااامه من زمااااان يعالج ولا مره وقف ماقدر اجازف وسارت لابوي وقالت له نحن كنتا خايفين والحين خفنا اكثر فانا اقول الاحسن نرفض ...فتم الرفض

جزاكم الله كل خير ورزقكم الجنه انتم واهليكم