عزيزتي ..

أنا متفهمه لحالتك النفسية ورغبتك الشديدة في الإنجاب
وكذلك رغبتك في الاحساس بأنوثتك ..

ولكن أنا أتفق مع رأي الأخ سامي في ماقاله

أختي ..
في طرق كثيرة تقدري تجذبي فيها زوجك من غير توتر وزعل

>>> انتو الاتنين غلطتوا على بعض <<<
واعتبريها وحدة وبوحدة والي قلتوه في وقت غضب ولا تفكري بسلبية أكثر
الي قلتيه كمان مو سهل .. تجيبي واحد من برة عشان الاباضة !!!
غير انه بارد .. لازم نختار كلماتنا قبل ماتخرج

و حتى لو كان مايبادر دائماً
المفروض تعطيه ايحاء انه بطل الأبطال وتدلعي عليه
صدقيني شريحة كبيرة من الرجال صار عندهم نفس التصرفات ..

خليكِ ذكية ..
المرأة لازم تفهم شخصية زوجها وتشوف فين مفاتيحه ..
يجي بالدلع .. بالمداعبة .. بالأكلات .. بالهدية .. بالتجديد .. بالمساج .. باللبس.. باللسان الحلو ؟؟!!
شوفي فين نقطة ضعفه

بعدين العلاقة الخاصة مو بس للإنجاب .. الله يرزق الجميع الذرية الصالحة
لكن هي تعبير عن الحب وعن الرغبة وتفريغ لأمور كثير ..

نصيحتي ..
هذا اليوم حاولي تنسيه وتفتحي صفحة جديدة .. لا تتناقشي معاه الين يهدأ
الدعاء + الصبر + الحكمة ..

بعد مايهدا جربي تكتبيله مسج أو تكلميه وتوضحيله أسفك على الموقف وانك موحابة تغلطوا على بعض تاني
وبعدها قوليله انك حابة تكون المبادرة من الطرفين
والوقت بإذن الله كفيل انه يحسن الأمور
.
.
.