حبيبتي سيدة .. كتبت لك رد ومسحته لأني خفت تزعلي من كلامي ..

ما قدرت أكون مثاليه في ردي ..

قبل كل شيء أنسي موضوع الطلاق .. وانسي محاولة حل الموضوع بسرعه ..

موضوعك يبي له وقت .. هذه مشاكل 10 سنين ما ينفع تحليها في شهر أو اثنين ..

واعذريني سيدة على اللي بقوله ولا تزعلي مني أرجوك .. لكن إنتي بطيبتك الزائده وبراءتك قعدتي تدورين له أعذار لأفعاله وتقصيره .. وتخيلتي صفات ما هي موجوده فيه .. وهذا اللي مخلي الناس تتعاطف معاه وتصغر اللي سواه ..

أنا متأكده إذا كتبتي موضوعك بمعرف جديد كنتي لقيتي ردود مختلفه .. لكن نحن لأننا نعرفك ونحبك ما نتمنى إلا إن مشكلتك تنحل بأسرع وقت وبيتك ما ينخرب .. لكن الحقيقه هي أنه زوجك يحتاج لتأديب واقل عقاب له هو إحساسه انه خسر زوجته وعياله .. الإنسان سبحان الله ما يحس بالنعمة إلا بعد ما يفقدها ..

لذلك قلت لك موضوعك يبي له وقت .. إذا بدأتي تتكلمي في الشروط وفي حل إلمشكله ما بتستفيدين شيء .. لأني حسب ما أذكر خيانته هذا الموضوع مو جديد صح؟ وانتي كشفتيه في السابق .. ما أدري كيف تصرفتي وقتها لكن اكيد عقابك له ما كان شديد .. ؟!

أنا وضعت نفسي مكانك ومتأكده لو صار لي مثلك بخلي زعلي يطول لين يفقد الأمل في رجوعي له .. وبشوف حالته وقتها وبقرر .. أما اللي يقول البعد يسبب الجفا فأنا مو خسرانه شيء .. إذا بعدي عنه خلته ينساني فهذا معناه ما عمره حبني وما هو إلا إنسان أناني .. يبا الزوجه المثاليه آللي تصرف على بيته وتربي عياله وهو يمرح مع حبيبته ..

والعيال يحتاجون أب حقيقي مو "صورة أب " ..

خلاصة كلامي لا تحكمين على التغييرات اللي تشوفينها في فترة قصيرة ..

إذا هو ما قدر ينساها قبل .. شو اللي اختلف هالمرة إذا رجعتيله بسرعه .؟!
أخاف يوهمك انه الموضوع انتهى لكنه في الحقيقه مستمر بحذر أكثر !


هالمرة ما بمسح ردي وبعتمده وارجو انه ما يضايقك ..

الجو عندنا مطر وجالسه ادعيلك .. أسأل الله إن يفرج همك ويصلح أحوالك ويسعدك يا رب ..

__________________