سيدة لا تخلطين الأمور ببعضها .. موضوع البيت ما له علاقه بخلافكم ....

هذا حقك إنتي اللي دافعه فيه .. المفروض حتى لو ما بينكم مشاكل وعايشين حياة طبيعيه ؤعلاقتكم ما في احلى منها .. ينكتب باسمك لأنه الحق حق ..

أدري إنتي مو إنسانه ماديه لكن شو إلمشكله إذا ضمنتي حق أولادك؟ خليه للأولاد يستفيدون منه إذا إنتي ما تريدينه .. والله الدنيا صأرت تخوف مو نفس أول ..

بالله شو بيكون موقفك إذا باع البيت وخذ الفلوس وإنتي ما حصلتي شيء؟

أنتي تكررين انك إنسانه غير هالمرة .. طيب ليش ما تثبتين بأفعالك انك فعلا غير ؟

أنا لو منك بحاول البيت كله يتسجل باسمي .. كذا عناد .. خاصة بعد ما كذب عليك في المحكمه !

حتى لو سجلوه كله باسمك اشوفه من حقك .. مو إنتي اللي كنتي تصرفين على العيال؟ الصراحه إذا حد ما عنده مو مشكله لكن لما يكون عنده ويصرف على غيري وأنا أصرف على نفسي وعياله هنا أقول : ستوب .. حقي وحق عيالي بأخذه ..

ما أشجع أي تواصل بينكم لكن ترسلين له ناس كبار وعاقلين وبكل جدية يطلبون منه تسجيل البيت باسمك أو نصفه اللي يريحك وهذا الموضوع منفصل انتبهي .. هذا مو من شروط الرجوع أو شيء هذا موضوع منفصل .. معلق .. والمطلوب ينهيه ..

كذا تثبتين له انك مؤ سيدة الأوليه ...

__________________