فحص الحساسية ما يسوونه عادة لأطفال دون عمر آل2 .. وغالبا النتائج تطلع false positive .. وكمان طبيعة الجسم تتغير .. ممكن يتحسس من اكله معينه وبعد سنه تصير عادي .. وهذا الموضوع أصلا controversial أتوقع عشان كذا ما يعملوا هالفحوصات كثير ..

الحين إنتي ما استخدمتيلها كورتيزون؟. إذا الدكتور قال لك عليه استخدميه ما عليه إن شاءالله ما تضطري له مرة ثانيه لكن الحين حرام لازم تخف ؤبعد كذا خليكي على الترطيب 24 ساعه

نسيت أسألك عندك ماء زمزم؟ إذا موجود عندك اشربي وادعي وشربي بنتك كمان واقري عليه وغسليها به ..


ؤلا تلومي نفسك السبب مو انك أكلتيها بدري .. الاكزيما صارت شائعة هالأيام وكثير ينولدون بها .. الجرح اللي وراء أذنها متأكده مو هي؟ لأنه أنا ابني كان عنده شهرين و المنطقة اللي وراء أذونه حمراء وخشنة شوي ،، الدكتور قال اكزيما ..


بس بشكل عام أنا مثلك ما أشجع الاستعجال في موضوع التغذيه .. و اسمحيلي أذكر تجربتي لعفراء .. أنا اعتمدت على الرضاعه الطبيعيه 6 شهور وبعدها بدأت ادخل له عصير تفاح .. كنت أعطيه شوي بس وبعد أسبوع دخلت له عصير برتقال .. كنت أضيف له ماء وما احط له سكر وبعدين شوي شوي بدأت بالأكلات .. أما غذاء الأطفال اللي في الصيدليات .. ما عطيته أبدا .. ما حسيت له داعي ..

يعني بدأ يأكل على السبع شهور .. واي شيء مو ضروري ما عطيته .. وألاشياء المضرة اللي أقدر أتحكم فيها منعتها عشان بدل ما يتعود عليها يصير يكرهها ويرفضها من عنده .. مثل المشروبات الغازيه ...

__________________