السلام عليكم

أنا بنتي كانت تعاني من آلام بالبطن بسبب ديدان المعدة ورحت بها لمستشفى ممتاز ببلدنا ووصفت لها الطبيبة هذا الدواء
vermox
30 ml
suspension oral 2%

بس له توقيت معين للشرب يعني أعطيها أول مرة بنفس الليلة 5 ملم

و بعد اسبوعين بعد 5 ملم

و بعد 4 أسابيع 5 ملم
و كل هذا بعد الأكل

لكن من أول مرة عطيتها بالليل يوم ثاني ما شفت أثر للديدان و العوار بعد أختفى

بس هذا نصف العلاج و النصف الثاني اهو النظافة الشديدة و الوقاية بالنسبة لباقي أفراد العايلة لأنه سريع الانتشار

يعني و انت بكرامة الحمام لازم يتنظف مباشرة بعد استخدام هذا الطفل

أغراضه و ثيابه محد يستخدمها

فراشة لازم يتغير يوميا
اسفنج السرير لازم يتعرض للشمس يوميا

و هكذا

و بالنسبة للأعشاب فيه منها العشرج اذا سنه شويه كبير و اذا كان صغير جدا البليلج و هو نوى مثل نوى التمر بس اكبر شوي و لونه أسود
ينقع بماي شرب او ماي زمزم و تخليه يوم كامل منقوع
يشرب منه بمقدار فنجان قهوة على الريق وهو مو بس للديدان و انما منظف عام للمعده

أرجو له الشفاء بس تأكد من الصيدلاني اذا يناسب طفلك هذا الدواء قبل لا تشتريه

و بالتوفيق

__________________