حبيبتي يا اونا..

سامحيني ما انتبهت انج تاخذين كلاريتين... الكلاريتين يسبب دوخه و نعاس... الجيل الاول من ادوية الحساسية تسبب دوخه و نعاس... اذا حولتي على desloratidine يكون افضل لج لانه نوع مطور و ما يسبب النعاس او الدوخه...

الحديد يا حلوه لا تاخذينه مع الشاي لان الشاي يقلل و احيانا يمنع امتصاص الحديد

بالنسبه للسائل و فقدان التوازن... في شي اسمه postural hypotension عاد انا ما اعرف اترجمها بس هي بشكل مختصر فقدان التوازن عند الوقوف... بعض الادويه تسبب هالشي بس في حالتج ما اظن ان الكلاريتين هو اللي يسببه... ايوه صحيح السائل موجود حول الدماغ و اسمه cerebralspinal fluid بس اعتقد ان من الافضل لو تشوفين دكتور انف و اذن و حنجره علشان يشوف لج الاذن الداخليه لان مثل ما قالوا الخوات هي مختصه بالتوازن... اذا كل شي سليم فيها وقتها نروح نشوف موضوع الcsf.