هلا اختي لولو ويا مرحبا بك معانا ..

دامك مو مرتاحه .. ليش تمضين في الموضوع..؟


انتي اصلا مو متذكرة البنت فما تعرفي عنها غير اللي هي تقول لك ..!؟

وليش تشكين فيها؟ اكيد عندك اسباب ثانيه ..

وهي كل مرة تقول لك بنخطبك .. ليش ما خطوا حتى لو خطوة؟

وبعدين يوم ان اهلك متشددين من هالناحيه ليش من اول مرة فتحت الموضوع معاك ما قلتيلها : عندك شيء تعالي لاهلي؟

والله مو حلوة لما البنت تتصرف من وراء اهلها وانتي بعدك صغيرة لا يوسوس لك الشيطان .. اذا كان من نصيبك خلاص

هم عارفينك وانتي عطيتيهم موافقه مبدئية .. اتركي الواتس اب لا تدخلينه او ادخلي لكن طنشي الجروب فترة وتحججي

بانشغاللك بالدراسه او امور ثانيه المهم قللي محادثاتك معاهم .. واذا هي فعلا صادقه يدلون البيت وبيتقدموا لك ..

وما انصحك ابدا تمدحين البنت لاهلك وتقولين عنها شيء انتي مو متاكده منه ..

وكمان يا ليت لو تكوني حذره اكثر في المستقبل .. مو كل الناس طيبه مثلك .. تكتبين باسمك وتعرفين بنفسك .. خلي عندك شوي خصوصية .. النفوس ما عادت نفس اول ..

والله يوفقك يا رب ويرزقك الزوج الصالح ..

__________________