رد : أنا على حافة الإنهيار.....(زوجي مقصر في حقي الشرعي)
صابرة حبيتي انا قاصدة اقسى عليك عشان تفوقي من الي انتي فيه
شفي تقطعك وانهيارك ارحمي نفسك عشان الله يرحمك يابنتي لو راح تباتين بالشارع ماسويتي كذا
مافي وحدة تحب الطلاق وانا مو جاية احرضك عشان تخربين بيتك بس ياختي خلاص افهميها واعقليها
ضعفك هذا ماراح يخدمك عنده
صابر بسالك سؤال انتي راضية على حالك كذا؟؟ راضيية انه كل مادخل يمسخرك متى بتروحين لبيت اهلك ويرسلك بالايميلات وش تنتظرين يطردك بصريح العبارة
ياصابرة افهميني ارجوك انا اقسم لك لو اعرف مكانك لا اجي اخذك عندي اذا وافقوا اهلك هذا وانتي ماتقربين لي شى وحزت بخاطري الي قاعد يصير لك من ذل واهانة
الله عزك والقران رفع من قدرك فليش الاهانة !
انا ماقول انك ماغلطتي لكن وش غلطك قدام كثر من النساء الي تلعن وتسب ولا حتى تقبل اهل زوجها لمجرد زيارة
هو مايبغالك تحبينه وتتمسكي فيه هو يبغاك تبعدي عنه ويكون لك شخصيتك وقرارك ماتكوني ضعيفة منهارة
ربما يحبك بس يكره شخصيتك وكثير رجال مايحبون المراة الضعيفة وهنا لا اقصد تكوني غوريلا وتقومي تكسري وتظربي
بس خلاص ياختي اضغطي على نفسك شوي وعلقي قلبك بملك الملوك انا نفسك الي قاعدة اكلمك الحين تعلقت بحب وصلني للجنون زوجي كرهني وقال علقي قلبك بخالك مو فيني
لانه يالحبيبة ياصابرة اسال الله ان يرزقك معنى حلاوة الصبر اذا علقتي قلبك بالله راح تهون عليك الدنيا وماعليها وهو وحدة الي بيده الخير كله
ارجوك تحملي قسوتي ربما تكون بصالحك حتى انا جتني ردود قاسية بس والله خدمتني بحياتي لاني متاكدة من يقسو علي يكون اكثر صراحة معي ويبي مصلحتي
الوالدة مثلا الله يحفظها لا رحت لها وقلت زوجي سوا وعمل فيا تقول تراك انتي الغلطانة اقول ليه يمه تقسين علي تقول لاني ابي مصلحلتك وانا من لها الصلاحية تنبهك باقرب عيوبك
انا ماقلت تطلقي بس رحي عند والدتك واعتبري نفسك في اجازة لو شاري تاكدي انه ماراح يطلقكك بشرط اذا غيرتي من شخصيتك وسلوكك
في اشياء بالعلاقة الحميمة ماتطلب بس تقدري توصلي لكل الي تبينه لو تستخدمين انوثتك الحقيقة ,,اهتمي بمظهرك برائحتك
لان اكبر غلط يقع فيه اكثر الحريم تضبط خارجيا لا تهتم بالنظافة الداخلية وانا اعرف وحدة زوجها كرهها برائحة فمها ماتفرش سنونها وقت العلاقة مع العلم انها جدا نظيفة
زوجك ربما انجرح منك في اشياء بس هذا لايعني ان الامور توصل للاهانة والذل وكل شوي يهدد تدرين ليش صبورة؟؟؟
لانه عارف نقظة ضعفك انك ماتبين ترجعين بيت اهلك ومستشعر او والدتك ترفض الطلاق وهو قاعد يلعب على الوتر الحساس الان
انتي اعكسي له الصورة خليك انسانة جديدة عليه بكل شيء اذا قالك متى تروحين قلي له امر تقدر توصلني الان
لا تطلبي الطلاق
اذا قال بطلق قولي له انا مابغى الطلاق لكن اذا هانت عليك العشرة وتقدر تبيع باي لحظة فهذا شى راجع لك واسكتي
خليه يدوخ بينه وبين نفسه ويحس انه يتعامل مع شخصية جديدة ربما تجذبينه
مو تقومي تعصبي وتصرخي ويطلع منك كلام مب زين
بالعكس احرقيه بالطيب
اتمنى قسوتي تكون بصالحك ولو بموقف معه
واسال الله ان يكتب لك الصالح ويربط على قلبك
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...
05-06-2013, 12:41 AM
ضوابط المشاركة
العرض الشجري