بسم الله الرحمن الرحيم

احتاج ارائكم الحكيمة في هالموضوع واللي بالنسبة لي صار يعيقني عن الحياة الإجتماعية مع أهل زوجي ، ليه سنتين متزوجة ... انا جداً محترمة اهل زوجي وعلاقتي طيبة لكن حقيقة سلوك عمتي مرة مضايقني عمرها تقريباً في بداية الخمسينات لكن جدآ فضولية بشكل مزعج حتى اصبح مالي خصوصية في بيتي للأسف
اولا : بحكم اننا مستأجرين بجنب بعض ف ماشاء الله 24 ساعة ع الباب دق بضرورة وبدون ضرورة تتدخل في خصوصياتي بشكل كبير صح الواحد طيب وخلوق ومحترم لكن بدأت أمل واتضايق لدرجة صارت تفتح الباب علينا عااااادي ..

ثانياً : عمي حالياً يبني عمارة من دورين وشقتهم تشطيبات اخيرة وانا وزوجي جينا نخطط لشقتنا وطلعنا للدور الثاني شافتنا ولحقتنا وكان في بالنا تصميم مختلف للمجالس ولما سمعتنا قالت لا لا لاتسون كذا خلوا البيت لاتخربونه خلوا نفس الغرف اذا جووا ضيوف نقسمهم فوق وتحت ولاتغير ولاشيء ... يعني معقولة لهالدرجة ... طيب انا ابغى شيء ثاني وقلت ياعمه خلينا على راحتنا ... لكن قعدت ورانا ولاتسوي ولاتغير .. وكمان عندي مشكلة في نفس السكن اللي هي انه عمي باني العمارة بشكل دورين لكن مدخل واحد يعني اللي يبغى يزورني من اقاربي او صديقاتي يدخل عليهم مباشرةً وبعدين يطلع عليه مدري كيف جاي هالتصميم ؟؟؟؟
لذلك افضل الانسحاب واسكن ايجار افضل من دوخة الرأس .. لكن المشكلة في زوجي مايبي ايجار !!!!!

وثانياً : وين رحتم وين خرجتم ؟! وين يروح الراتب ؟ كيف حلها ؟؟؟
وثالثاً : بالسيارة اجلس وراء احتراماً لما تركب معنا عشان اخليها قدام لكن الآن اي مشوار صارت تركب معايه انا وزوجي رغم انه في سيارة ثانية لولدها لسى اعزب واخواته معه لكن تجي معي انا وزوجي وانا ماعندي مشكلة لكن على كل مشوار طيب السيارة الثانية موجودة وبنروح نفس المشوار وين المشكلة لو رحت معهم

عمتي ماترضى ابدا احد يتدخل في حياة بنتها المتزوجة فكيف ترضى هي بذلك على زوجة ولدها ؟؟

_ علماً ان اخته الصغيرة نفس طبائع عمتي كمان .. عمرها 17 تقريباً لكن غير محترمة لدرجة مرة دخلت علينا دقت الباب ودخلت / وبعدين قلت اولا استاذني وثانيا السلام عليكم .

وفي اشياء كثيرة تضايقني منهم لكن راح احتفظ فيها ...

انا اخاف الله فيهم الحمدلله ولا ارضى اي مشاكل لكن اريد طريقة للتعامل معهم بدون ان تتأذى حياتي مع زوجي ودون ان اشتكي اليه ؟

الخلاصة : كيف اتعامل معهم خصوصاً عمتي ...... واي اسلوب اتبعه ؟ وهل تأيدوني بالسكن بعيداً ؟!

السلام والرحمه ..
عزيزتي انا دخلت موضوعج عشان اقولج زين يوم علمتي اخت زوجج اللي عمرها 17 سنه ادق الباب وتنتظر الرد من باب الذوق والادب انتي في مقام اختها وموب عيب ولاغلط اذا علمتيها الصح من الغلط هالشي من مصلحتها
وبعدين الظاهر زوجج ولد عمتج البكر فرحتها الأولى من الاولاد وانا عن نفسي مااعرف كيف اترجم مشاعر الام تجاه زوجه ولدها هل هي مشاعر غيره او شو بالضبط ماادري وانا متاكده الاخوات هني بيسعفونج بالحل اللي يرضيج ان شالله
وعسى الله يوفقك على حسن تعاملج مع ناسج بطريقتج كسبتي رضا زوجج ورضا الله قبل كل شي

اختي جزاك الله خير واضح من كلامك انك انسانه واعيه ومثـــقــفه

هذه مراه كبيره بالسن وعلى نظام البدو من اول لاتغيرون شي ولاتسون شي وتعدلون شي على بالها ان البيت بيطيح لو غيرتو شي طبيعي هالشي في حريم اول كبار السن الله يحفظهم لنا

وانا بالعكس مع زوجك ليه استاجر وعندي شقه ملك < انا ساكن في ايجار وطالعه عيني من الايجار

وترى الابن مهما كان مايرضى على امه شي انتبهي تقولين ليه شي عن امه نشبه او امك الله يهديها << ماله داعي هالكلام بيفتح عيون زوجك عليك

انا راي استغفري الله وخلك حبيبه معاها واخدمي زوجك بس حاول تشاورينه بمسالة ان لازم يكون لك ممر خاص لزوارك ولك ولزوجك كان المفروض تصميم البيت يكون على الشي هذا والله يوفقك

الله يعطيك العافية و الصبببببببببببببببببببببببببببببببر هذا ما اقدر اقولك

سؤال هل فيه احتمال تسكنون معهم في نفس البناية مع النية انكم بعد سنوات مثلا تشترون بيت لحالكم سواء تبنون بيت او تشترونه

ان كان زوجك متقبل للفكرة فلتسكني معهم فمستحيل ان زوجك يسكن ايجار وعنده شقة في بيت والده فقط لما يشتري بيت ملك يستطيع ان يسكن فيه ويستقل عن اهله

خليك راضية بالنصيب ووخليك طيبة والفرج اتي عاجلا ام ااجلا .. عني انا حياتي كانت سيئة للغاية مع اهل زوجي مهما حاولت ومهما سويت

السﻻم عليكم ورحمة الله وبركاته ...
اختي حفظك الله ...
انا معك فيما تقولين ومثلك فيما تعيشين ..
ام زوجي حفظها الله وهداها نفس طبايع ام زوجك .. فبداية حياتي كنت انزعج مرة مرة من تدخلاتها حتى المصروف ماتبغى زوجي يعطيني في كل شي تسأل وتستفسر حتى موانع الحمل كنت استخدمها بالدس ...
شفت ان حالنا متعب وصار وضعنا محرج قدام زوجي وقدام الناس
صرت ادرس شخصيتها واراقبها بدون ما تﻻحظ اكتشفت انها مع الكل نفس اﻻسلوب تسأل وتدخل في خصوصيات الناس ... والناس بعضهم يتجاوبون معها وبعضهم يفشلوها ...
انا هنا حنيت عليها والله حزنتني مرة طبعها ما تقدر تغيره اصﻻ هي ما تدري انها تحرج احد .. كل همها انها تعرف اخبار الناس وكل خصوصياتهم ..
كل ما اناظرها واشوف فيها صورة زوجي احن عليها خاصة لو كان احد اتكلم فيها وما دافعت عنها ..
بعدها بديت اكسبها لصفي دورت على اﻻشياء اللي تحبها وصرت اشتريها لها ..
امدحها كثيييييير لانها تحب المدح ..
ادافع عنها قدام بناتها واخواتها واكون في صفها حتى لو كانت غلطااانه ... وبعدين اسوي لها براد شاي تحبه واعلمها الصح والمفروض
اتغزل فيها وادعيلها بصوت عالي وابوس راسها ...
لو خرجت استأذن منها واذا رجعت اضمها واقولها فقدتك كثير ...
صارت تحبني بشكل غريب لو سافرت تجلس تبكي عليه ... تفضفض لي وتشكيلي من كل اللي حولها حتى من زوجي
تسمع كﻻمي .تصدقين صرت انا المستشارة حقتها
صارت تصوم معايا كل اثنين حفظت معايا سور من القران ... حفظت معي اﻻدعية و اﻻذكار وصارت تذكرني فيها .. لو تسمع صوتي تعبان تنشغل تنشغل علي وتتصل بزوجي يوديني المستشفى ..
على فكرة هم ما تعلموا ودرسوا مثلنا معذوررين تعبوا على عيالهم وخايفين عليهم ﻻ يبتعدون عنهم ...
بعض اﻻمهات ماعندها وعي كافي ﻻنهم انضغطوا من اهاليهم وبعدين من اهالي ازواجهم فيحسبون ان الحياة ما تمشي اﻻ بنفس السلوك والطريقة اللي عاشوا هم عليها ...
ابدئي حياة جديدة معها بهدوءءء ومروونة .. استغلي المواقف لصالحك . حتى تكسبيها ..
قمة المتعه لمن تشوفين انك راضية عن نفسك والكل راضي عنك ... خاصة اذا جاك زوجك ويقولك انت وش سويت للوالدة قلبتها علينا هههه قمة اﻻنتصار ..
اعذريني على الطويله لكن موضوعك ثار فيني .. حتى تصدقين اني فقدتها وانا اكتب لك ..
فامان الله بروح اتصل عليها .. سلام ياعسل ..

حبيبتي طولي بالج هذي كبيره ولها حق عليج وانتي مو غلطانه بشي
من الحجي اللي تقولينه بين عليج خوش بنت وسنعه
بس هالعيايز ماايعجبهم العجب
اليوم انتي الجنه وبكره الخاله وتذكرين ايامج قبل هذى طقوس وعادات كلناا مرينا فيها
الخالات والعمات هههههههههه انا ام ريلي تتشره علي مرات اسكت ومرات أزعل ومرات انقهر منها واحيان تجذب على والله أنى اسكت ولااقول شي لان لمااااجوفه حرمه جبيره اقول حرام أروح إحقق وياها ليش تقولين جذي وليش
الله يعينج

__________________

تصدقين مادري ليش العمه تهتم فى المصروف عمتي ام ريلي دايم تسال تقول جم تعطي زوجتك
وريلي يقولها لان يحب امه حيييييل

__________________

ههههههههه
صادقة ومازالت الى اﻻن تسأل
حتى في راتب ولدي تسألني كم يعطيك ؟؟ ووش تسوين فيها وما له داعي يعطيك هههه
تقولي المفروض يعاون ابوه ويعطيه
انا هنا انفجر اضحك عليها الى ما تضحك هي وتغير الموضوع ..