أخواني المرأه مع الزن ترضخ

تحس الرجال شاريها ، خاصة إنه مافكر يتزوج من بعدها

لكن حاولو لاتيأسوا ، مره واثنين

ابعدوا الكرامة على جنب ، واشتغلو على العاطفة

بالتوفيق ..

__________________

مع هالرأي بس لاتجي باندفاع خلك هادي وخطط بطريقة تفجأها فيه وماتتوقعها عشان تلين لك ولازم تثبت لها انك تغيرت للاحسن مش كلام وبس تر أحيانا الواحد اذا يبي الشيء يحاول يسوي المستحيل عشان يوصله وبس يحصله يرجع زي أول .. طبعا هذا هو تفكيرها لك وحاسه في داخلها انك ماراح تتغير وخايفة لما ترجع لك تبدأ تنتقم أومن هالكلام..
أنت الحين لازم تثبت بافعالك وليس اقوالك أنت رحت لهاوكلمتها وكلمت أهلها وصديقتها حتى بس الكلام ماينفع أنت محتاج تخطو خطوه تحبك فيها اوبمعنى تقول طليقي ونعم الرجل .. يعني ممكن تسوي شيء خيري يخص الأطفال أو تودي عيالك معاك لعمل خيري يعني تجهز صدقات وهدايا وتروح بيوت الفقراء وتخلي عيالك يعطونهم أولا تحبب عيالك في العمل الخيري وبعدين تصرفك هذا راح يكبرك في عينها وتحس انك اب يتحمل المسؤولية .. خذ ولدك معك على المسجد في الأوقات اللي أنت تأخذه .. أنا ماودي يكون العمل هذا رياء قدامها لا بس أتمنى انك تكون مقتع انك تغير من نفسك قبل ماتفكر انك تبي ترجعها ..عط نفسك حقها من العمل الخيري والتوجه للدين مش فترة وخلاص لا خله دايم طول عمرك وصدقني اذا اخلصت النية اذا كان في رجوع ام عيالك لك فيه خير راح يرجعها لك رب العالمين لان نيتك خالصة لوجهه سبحانه وتعالى ..