بوح الخواطر .. رجع لي بعد الغيبه / مستجدات 258 _308_389

15-07-2013, 02:15 AM

بنت بوظبيxAD

موقوف

تاريخ التسجيل: May 2013

المشاركات: 1,151

رد : بوح الخواطر .. رجع لي بعد الغيبه ..

مهره غلاه خليفه غير كل الناس واخر شي اخلي هالامور تكسر بخاطره ... وسالم الله يسامحه بس رجع وتخربطت اموري

التعديل الأخير تم بواسطة بنت بوظبيxAD ; 15-07-2013 الساعة 02:17 AM

15-07-2013, 03:10 AM

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : بوح الخواطر .. رجع لي بعد الغيبه ..

اقتباس:

المشاركة الأصلية كتبت بواسطة بنت بوظبيxAD

مهره غلاه خليفه غير كل الناس واخر شي اخلي هالامور تكسر بخاطره ... وسالم الله يسامحه بس رجع وتخربطت اموري

أنا عارفة غلاة خليفة عندج يا روضة .. وفاهمة ان تصرفج هو (فشة خلق) مثل ما يقولون مب انج فعلاً زعلانة على الفلوس.

وبصراحة انا كنت انغزج بالكلام لأن سالفة الفلوس اللي حطيتيها في حساب سالم قاهرتني .. ولين الحين مب فاهمة انتي ليش سويتي جذي؟!!

وبصراحة أكثر في تفسير ياي على بالي بس ما باقوله عشان ما تقولين اني أسيء الظن فيج.

عموماً .. المسألة بسيطة فديتج ومب مستاهلة كل هالتعقيد.

انتي اتفقتي مع سالم اتفاق .. الخطوة الثانية انج تستخيرين .. وفكري بعقلج .. عقلج وبس.

ونصيحة من الخاطر .. طلعي قلبج برا الموضوع تماماً .. حتى لو كنتي تحبين سالم فعلاً.

مع اني أساساً لي تحفظ على تسمية المشاعر اللي بينج وبين سالم .. لكني بافترض أنه حب حقيقي (والله يسلمج أنا ما اباج تناقشين هالنقطة معاي ولا مع أي حد لأن الأيام والمواقف الياية هي اللي بتثبت إن كان هالحب حقيقي فعلاً أم لا)

على كل حال اللي ابا اقوله ان زواج الحب حلو يا روضة .. لكن الحب بروحه ما يكفي أبداً لنجاح الحياة الزوجية.

لا تفكرين في اللحظة الآنية بس .. ولا تحصرين تفكيرج في الهدف اللي تبين توصلين له (اجتماعج مع سالم تحت سقف واحد) .. لأن هذه ما بتكون النهاية .. لكنها بداية لحياة ثانية طويلة بتعيشينها .. فكري في تفاصيلها .. وتخيلي أبعادها واللي ممكن يحصل فيها.

مثلاً .. تقولين باشرط عليه يستقر في الإمارات ... طيب وافق في البداية .. وبعدين؟

تخيلي غيّر رايه لأي سبب من الأسباب .. تخيلي حصل في بلده أي ظرف ألزمه انه يرجع .... شو بتسوين؟

فكري في تفاصيل حياتج الحالية ..ـ فكري انه ممكن يكون له راي ثاني في هالتفصيل أو ذاك .. شو بتسوين؟ .. بتطيعينه وتسوين اللي يباه والا بيكون لج راي ثاني؟

الحياة الزوجية تتطلب شوية تنازلات .. ومع الحب التنازلات تكون متوقعة أكثر .. مستعدة تتنازلين؟

__________________

اللهم طِيبَ الأثر .. وحُسْنَ الرحيل.

التعديل الأخير تم بواسطة مهره ; 15-07-2013 الساعة 03:12 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه