السلام عليكم

اخواني الكرام

عندي صديق عزيز علي جدًا ولكن فيه مشكله

احس انه ينظر لي نظره فيها نوع من الاستحقار والتقليل البسيط مع ان ما علي قاصر ولله الحمد بعطيكم امثله توضح قصدي :

مره كنت اتكلم عن مشروع مربح وهالمشروع مخليني ما امد يدي على راتبي كان ينط صاحبي ويقول لواحد ثاني اي ما يحوش راتبه تلقى المشروع يدخل له 1500 ريال بضحكه استهزائيه كأن معناها اني ماسك على الفلوس وان ما عندي شي بحياتي

ومره كنت مفكر اشتري سياره فخمه واتكلم معاه كان يضحك ويقول لا تخاف اعرفك ما راح تشتري بهذا السعر

وان تكلمت عن مصاريفي الشهريه يقول لي انت اشعندك !! ما عندك شي تصرف عليه شوفني انا عندي مسؤوليات اكثر واصرف مثلك اكيد حسبتك مو مضبوطه

شنو تفسيركم للموضوع هل ينظر لي نظره اني بخيل اشوي او حريص عالفلس او شنو قصده

مع العلم انه صديق عزيز ما اشك فيه بس نظرته لي اكيد فيها شائبه

اقطعه

هي نعم المخوة شرات هاي الله يغنيك عنه ..ان اتصل احقره وابتعد عن دربه وبعدين انت جم بنفهم فيك يااخي العين حق يوم تبا تسوي شي لاتطريه لاحد سير اشتر وتالي حطه جدام عيونهم وخل اللي فيه خير يبطل حلجه او يقول ااه بس ... القلب الطيب هالوقت بعين الناس ساذج واللوحه اللي يخبطون فيها

رد عليه بتريقة انت كمان .. لكن رد بضحكة و تسكته ..
يعني مثلا ..

خليك مع نفسك .. انت ايش فهمك ؟

.
.

لو حاول يحرجك .. احرجه انت كمان؛ و انت بتضحك ..

لا تتهاوش معاه بس عطه رده بوقته
لأنه شافك ساكت عن إستهزائه فتمادى معاك، أما لو إنك جاوبته بنفس اللحظه كان وقف عند حده من البداية
تقدر بأسلوب هادي تعطيه رده وهو بينحرج ، وبتلقاه إما يعتذر لك أو إنه ما راح يكررها معاك =)

ممكن يكون واخذ فكرةعنك انك حريص مش بخيل

وانت رد بشكل لبق
كا ان تذكر له اقوال سيد الخلق صلى الله عليه وسلم
في التبذير وكراهيته

او انه ربي بيحاسبنا وين صرفنا فلوسنا ..

او تقوله على سبيل المزاح ،،( ياخي ليش زعلان،،حاسد انه عندي فلوس؟؟)
او حاسد انه ماعندي التزامات مادية؟؟؟

فلوسي وانا حر اصرفها ولا اخبيها ولا احرقها ..

طالنا انه صاحبة وطايحة الميانة
فا رد عليه ولا تخلي بقلبك بس بشكل مايبين انك غضبان

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مو لهالدرجه هو صديق عزيز

بس كلامك صحيح بخصوص العين
المشكله طبعي احب اشاور وابلغ اهلي واصحابي باللي بسويه وهالشي المبالغه فيه سيئه
لانك تلقى ناس يحبطونك ويكرهونك باللي تبي تشتريه من باب النصيحه
والواحد يصير في محلك سر لا يقدم ولا يؤخر

بصراحه بديت احب اللي يغامر ويتهور عالاقل يرضي نفسه وان خسر راح تكون خساره بسيطه

انا ما انحرج من كلامه عادي جدا

بس احس انه ماخذ عني فكره خاطئه
بس هذا الموضوع

مثل ما قلت لاختنا روح الطير
الموضوع ليس مسالة احراج

الموضوع اني احس ان نظرته لي سيئه قليلا

ماهي مسالة حسد

مثلا لما اقول له انا اصرف مبلغ معين على مصاريفي الشخصيه يستغرب ويقول اشعندك انت
ما عندك التزامات ولا شي ليه هالمبلغ الكبير

احس فيها نوع من الاستحقار

هاي هي ارضي نفسك بترتاح انا جي بالاول افكر واتلوم بس الحين لا كل هدفي ارضي نفسي علشان محد يفكر يستغل طيبتي او يدوسلي ع طرف.. وصدقني بترتاح بتحس نفسك صرت اقوى
ام ستيل سترونغ