انت متزوج جوهره احفظها بتحفظ حياتك..

واضح انها صابره وساكته لانها رضت باختيارها..
ماكان لازم تخون ع العموم حاول مره واثنين وعشر ماردها بترضى ان شالله

عارف والله عارف انها جوهرهـ وأغلى جوهره
وعارف ان ما كان لازم أخون
بحااول بس كيف ؟
جربت أكثر من طريقه ولا فيه فايدهـ
ما هي مسألة شك . يعني أحس انها ما تشك فيني
لكن أحس انها مجروحه
أحس كأنها ندمانه على انها ضحت عشاني بأشياء كثيره وبنفس الوقت مستحيل
لأن قلبها أبيض وطيبه حيل
عارف اني أقهر وأسلوبي زفت ، أكثر من مره عصبت عليها بسبب مواقف قد مرت بيننا وهي تسكت وتتحمل
ثم أراضيها وترضى بسهولة
لكن هالمره غير

انا اقولك كيف بس يباهلها عزيمه واصرار..


الحين كلمها ..وقولها حبيبتي ممكن نتكلم بكل وضوح .. ؟؟
يافلانه انا اخطأت بحقج وقصرت معاج وانا اشهد انه مابحياتي غيرج والله يلعن الابليسس اللي زينلي الشين انا لو الف الدنيا ماالقى بنت بتحبني كثرج


كيف اقدر اكفر خطاي عندج .. ربي غفور رحيم والنت من اليله بقطعه..
انتي بس امري واشرطي.. انا مااحب اجوفج شايله بخاطرج مني ..

اذا كررتها لاتسامحيني واتركيني وقتها مابا الومج بس لين متى بنضيع كل يوم من عمرنا بزعل وضيق.. ..






وصدقني هي محتتاجه تحس بالامان والله لو ماتحبك جان قصت التذكره ورجعت للدار ولاقعدت تشل وتطبخ وترتب عي محتاجه لجلسه وضوح بشكل خاص



انا نفسي يااخوي ماعندي استعداد اتنازل عن امور هي متنازله عنها ومسموحه لها ..

تعلم يااخوي من غلطتك الغالي موجود لكن الزين من الغالي مابتحصله في اي مكان


نصيحه اذا زوجتك من الامارات ومحتفظه بالجواز الاماراتي تقدر تتعالج في المانيا ع حساب الدوله الامور في مصلحتكم والاجراءات مااطول .. .

أقول لك يا عزيزي:
1) لا تقل كرامتي وكبريائي؛ لأن الخطأ عليك بنسبة 100%.. وهي تنتظر اعتذارك، وهذا حق لها فلا تحرمها منه حيث أنك أسأت لها ولنفسك ولدينك ولأخلاقك.. وادعس على الشيطان وغروره ونفسك ووسوستك.
2) تخرج خارج البيت الآن.. وأن تكتب لها رسالة معبرة جميلة وترسلها لجوالها.
3) بعد ساعتين عد إلى بيتك وفي يدك هدية مثل خاتم ذهب+توضأ+صلي ركعتين+ادع الله أن يعفو عنك ويرقق قلبها+وتقدم لزوجتك، وقَبٍّلْ رأسها، وقدم هديتها، واطلب منها العذر والعفو.
4) إن لم تقبل عذرك أو هديتك بداية فلا بأس من التكرار.
5) إن واجهتم بالصد أو العنف في الرد فاسكت تماماً ولا ترد عليها.
6) إن لم تعتذر لها صراحة فأظن أن الأمور ستتوتر بينكما بشكل كبير في الشهور القادمة.
:::
ملاحظة:
أ‌- ابذل كل الأسباب الممكنة من علاج بالرقية والأدوية الطبية لعلاج نفسك.
ب‌- لديك امرأة يغبطك عليها ملايين الرجال.. وأخشى عليك أن تفقدها والله.