المشاركة الأصلية كتبت بواسطة :أمل:

مبروك يا روضة

بس اسمحي لي ،،
استوقفتني فكرتك انه سالم مايخبر زوجته الا بعد الملكة وانه لمح لها وكانت تضحك مو مصدقه
اكيد حبيبتي وحده متزوجه ومستقرة مع زوجها بتفكر انه كلامه مجرد مزح ، بس كان المفروض مو يحطها امام الامر الواقع يمكن هي ما تبي تبقى مع متزوج انتي وسالم تبون تجبرونها على هالعيشه (حطي نفسك مكانها)

واستوقفني ايضا ردك على واحد من الردود لما كتبو لك الدنيا تدور وماتدري يمكن بكره سالم يتزوج عليك بالمستقبل رديتي بنفصل وخلاص الصراحة استغربت مره من طريقه تفكيرك ورؤيتك للامور بس اتوقع اللي مطمنك انه يعمل بدبي يعني قريب منك اكثر من كونه قريب منها .
و انتي قلتي رضيتي بسالم وهو متزوج ولا تظنين هالشى سهل ، كلام العواطف والحب الان يختلف على العشرة الحقيقية
لان زوجك فيه من تشاركك فيه في كل شى يعني قادره تتحملي اتصالاتها وهو معاك سفراته لها نومه عندها انشغاله عنك باطفاله بالمستقبل وبزوجته ، مستوعبه انه في ليالي وايام بتكونين وحيدة من غيره بس مع الافكار .
اتمنى الله يعطيك الصبر والتحمل ويوفقك



الله يكتب لك اللي فيه خيرك وصلاحك