مشكوريـــــــــــن أخوتي واخواني والله هذا اللي توقعته منكم وهو التخفيف علي واعطائي النصائح التي جهلت عنها ولم اضعها في الحسبان للأسف ...
وبصراحة انا كنت افكر اول انه افسخ الخطبة وكنت دايما اقول للوالده هالكلام وبالاخير قالت لي خلاص افسخوا الخطبة دام انك بتتكلمي بهالموضوع علطول وخاصه انه كل مرة اقول لاهلي انتي اللي اجبرتوني واحسسهم بتأنيب الضمير وامي لما تسمع هالكلام تخاف لانه ماودها تكون سبب تعاستي وتقولي خلاص افسخي الخطبة دامك مش مقتنعه ... ولكن هم بصراحة مااجبروني وانما قالوا لي انه الرجال خوش رجال وحرام الواحد يرفضه

على العموم انا مااتخيل اني اعيش من دونه وخاصه اني احس انه يحبني وانا بعد احبه بعد ولكن مدري كنت خايفه انه الحين احنا كذا بس فرحانين ببعض والحين مافي مسؤوليه ولا في شي اما بعدين لما تجي المسؤوليه والاولاد بترجع هالشكوك ومثل ماانتوا عارفين المرأه تحاول تشغل وقتها بشي اذا كانت فاضية شوي وحتى لو هالشي هذا يسبب لها تعاسة ومشاكل ....

بس ممكن اسأل !!
اغلبكم قالي انه لازم اعالج نفسي من هذا التفكير بس كيف؟؟
فعلا ودي اعرف كيف يكون تفكيري نظيف وابعد هذا التفكير من راسي واكون مرتاحه ترى والله العظيم احيانا اتعب واغبط البنات اللي يكونوا مرتاحين وتبعد عنهم الشكوك والظنون السلبيه ويكونوا مرتاحين البال !!!!

لاتظن القلب يا عمــــــــــري
نسيك
والذي سواك ما لحظة نساك
لا تقول الوقت قساني عليـــــك
كل ليلة تمر يكبر بي غـــــــلاك
ياغـــرام عاش مع روحي
شريــــــــك
في عروقــــــــي نبض سميته
هـــــــواك
..