27-09-2013, 01:11 AM
|
المشاركة الأصلية كتبت بواسطة أم سلطان1
الحين بقول لكم وش صار معي طبعا عقب ماحسيت الألم زاد معي عن حده وما قدرت احتمل
شدته والمعده عندي ابتدت تتحسس من المسكنات توكلت على الله ورحت مستشفى خاص عند دكتورة باطنية لأن الألم رجع معي بإزدياد مع اسفل البطن بشدة وفي الجانب الأيمن ورحت لدكتوره واعطتني بالبداية مسكن ومغذي بالوريد وعملوا لي تحاليل وعقب ما خلصت المغذي عملوا لي إشاعه لكل اعضاء البطن وقالت لي إنه عندك حصى بالكلية اليمين وحصى باليسار بس اللي باليمين اصغر من اللي باليسار لأنه الصغيره تتحرك بالكلية وتسبب لك تخرشات في نفس الكليه وتسبب لك ألم واللي بالكليه اليسار ما تتحرك ثابته لأن حجمها كبير وكمان قالت عندك التهاب في المسالك البوليه وانتفاخ بالقولون وغازات وتضخم بالمرارة والتحاليل قالت إنه عندي فقر دم نسبة الدم واصلة 9 وكمان زيادة في نسبة الأملاح وفحصت نبضات القلب بالسماعه وقالت عندك النبضات سريعه طبعا عقب كل هذا وصفت لي الدواء انبولات حديد تنوخذ بالوريد مع مغذي قالت اخذها لمدة اسبوعين في الاسبوع مرتين 8 انبولات من الحديد واعطتني ادويه واستخدمتها ماكملت 24 ساعه إلا وانا منتهيه عندي المعده تهيجت من الأدوية اللي اخذتها ماقدرت اتحملها وصرفت لي دواء لمرض مو موجود عندي هذا اللي عرفته من المستشفى العسكري اللي رحت له عقب ماتعبت عندي المعده رحت لهم وريتهم التحاليل والإشاعه والأدويه وتنومت عندهم بالطوارئ 8 ساعات واعطوني مغذي ومسكن للمعده لأنه كان عندي استفراغ بإستمرار وحموضة خصوصا انه انا اعاني منها من قبل فتره واخذ لها ادوية والحمدالله تحسنت عليها كثير واتابع لي مواعيد شهريه بالمستشفى العسكري علشان المعده والحمدالله لي تقريبا سنتين يارب لك الحمد والشكر والحين الدواء اللي اخذته سبب لي التهاب بالمعده والمرئ وكمان بالعسكري عملوا لي فحوصات تحاليل وإشاعه الفحوصات قالوا لي عنها طيبة كلها وسليمه والإشاعه عملوها لظهري الحمدالله طلعت مافيها شئ سليمة قالوا بس احتمال الألم إللي بظهرك علشان الحصى اللي بالكليه عندك او شد عضلي كمان قالوا لي بالعسكري إنه الأدويه اللي عندي هي سببت لي إلتهاب المعده خصوصا احد الادويه كانت صارفته لي على اساس إنه عندي نقرس وسالوني بالعسكري وعملو لي تحليل لمرض النقرس وطلع الحمدالله التحليل سليم ما فيه اي نقرس وحتى بالفحص عن الأعراض كالتورم في اليدين والرجلين والإحمرار الحمدالله مافيه اي شئ منها بس ما ادري الدكتوره على اي اساس صرفت لي هذا الدواء الخاص بمرض النقرس المهم انه الدكتور قال لي وقفي كل هالأدوية ولا تستخدمي اي شئ يثير المعده الحين وخليك على دواء خاص للمعدة اسمه بانتوزول حبه قبل الإفطار يوميا حجم 40 جرام وكمان قال ابتعدي عن المقليات والاكلات الحارة والدسمه و شرب المياه الغازيه وشرب الشاي والقهوة ونصحني بالإكثار من شرب المياه المعدنيه وكمان قال فقر الدم نسبته 9 ما منها خوف ومع التغذية الجيدة بترتفع نسبة الدم عندك إن شاء الله تعالى واعطوني تحويل وموعد نهاية الشهر الجاي لعيادة المسالك البولية عند الأخصائية والحمدالله على كل حال والله يعين ويصبرنا على اللي الله كاتبه لنا وكل شئ نحتسبه عند الله عز وجل والشفاء والعافية من عند رب العالمين ولا الأطباء والمستشفيات كلها مجرد اسباب مابينفعونك بشئ ولا يضرونك بشئ إلا اللي الله كاتبه لك ونحمد الله ونشكره في كل الأحوال وشاكره ومقدره لكم أخواتي الغاليات وقفتكم معي واهتمامكم لموضوعي وقبلها دعواتكم لي في ظهر الغيب أسأل الله ان لا يحرمكم الأجر والثواب وأسأله أن يمنحكم السعادة في حياتكم وراحة البال اللهم آمين يارب |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري