بسم الله الرحمن الرحيم
اتمنى من كل شخص يقرا موضوعي و يستطيع مساعدتي ان لا يتاخر علي ...... القصة وباختصار لدي صديقة غير سعودية متزوجة من رجل من نفس جنسيتها ومقيمة هنا في جدة وزوجها حسبي الله عليه مدمن ويبيع ايضا يعني يتاجر بالمخدرات وظالمها كثير في حياتها ولكنها صابرة عليه لكن في الفترة الاخيرة اكتشفت انه اخوها الصغير (عمره 14 سنة) صار مدمن حشيش وصار يسرق عشان يوفر فلوس الحشيش هذا غير اخلاقه اللي تغيرت المهم من قهرها اتصلت على مكافحة المخدرات وبلغت عنه و دحين مسكوه المشكلة انه دحين لما سالنا قالو لنا ان بعد ما يقضي فترة العقوبة يترحل نهائي لبلده وهي وعيالها كمان يترحلو معاه؟؟ هل دا الكلام صحيح؟ هي ما لها ذنب باللي هو يسويه وعيالها كمان ما لهم ذنب باللي ابوهم يسويه ..... نحن دحين حابين نعرف لو في طريقة تخليها هي وعيالها يضلو في السعودية ما يترحلو معاه لانه مالها احد هناك في بلدها كل قرايبها في السعودية وهي مواليد السعودية .... وجزاكم الله خير
أولا أسأل الله أن يفرج همها ويكشف غمها ويرفع البلاء عنها
خليها يأختي تقدم خطاب لأمير جدة تشرح فيه حالتها
وأنها من مواليد السعودية و مافي أحد في بلدها الأصلي (على حسب كلامك)
هم بإذن الله بيقدمون لصديقتك المساعدة
يعني لو قدمت خطاب رح يخلوها هي وعيالها ؟؟؟ وبعدين نسيت اقول انها هي مستعدة تتطلق منه بس تجلس هنا بالسعودية بس هي خايفة وقتها يترحلو عيالها معاه وتفضل هي هنا وتنحرم منهم .... المشكلة انه زوجها انسان غير سوي وغير طبيعي وتخاف على بنتها منه ...لاحول ولا قوة الا بالله