رد : مهمومه بحس بمووت من الهم طلقني بدون سبب!!
وعليكم السلام ورحمة الله
هلا اختي حياك الله من بيننا ..
معليش ممكن تخبرينا أكثر عن المشاكل اللي صارت في الشهر الثاني من الزواج؟
وكم أعماركم؟
خبرتك في الحياة شكلها قليلة لكن الغريب أبوك بيروح يقابله عشان يطلقك؟ وأمه تقول لأمك خلاص ما يباها؟ الزواج مو لعبة يا اختي مو كل ما صادفتنا مشاكل نلجأ للطلاق ..
وين محاولات الصلح؟ المفروض حد كبير من طرفكم يروح يجتمع به وبناس من طرفهم يفهمون منه شو الموضوع وينصحونه ويفهمونه شو يعني زواج ومسؤليه وانتي بعد يا إختي تحتاجين تثقفين نفسك أكثر وتتعلمي فن التعامل مع الزوج ..
أول سنه زواج هي سنة الاكتشافات وتحصل فيها صدامات كثيرة ما ينفع تنتقدينه وتنكدين عليه في كل شيء يضايقك من ثاني شهر .. شوي شوي وبإسلوب حلو ممكن تخلينه مثل ما تبينه ؤخاصة انه عيوبه مو كبيرة كثير ..
والله يهديك شيلي الطلاق من بالك وبدل ما تسألين شو وضعي بعد الطلاق ومن بيتزوجك أفرشي سجادتك وادعي الله يرد لك زوجك ويصلحه لك .. داومي على قيام الليل وادعي في سجودك واكثثري من الاستغفار والله يصلح أموركم ..
* اسمحيلي إختي بنقل موضوعك للقسم الأنسب
التعديل الأخير تم بواسطة داماس ; 17-11-2013 الساعة 06:06 PM
17-11-2013, 05:57 PM
ضوابط المشاركة
العرض الشجري