السلا م عليكم
اخوتي اخواتي فقط في مشكلتي هاته بحاجة لتوجيه بارك الله فيكم

لي صديقة م انكر صفاتها الحلوة متدينه ومتخلقه وبرده ما انكر في اي موقف وحاجتي لها الاقي نفسي وحيده بحكم طبيعتها وانها م تعرف كيف تخفف عن الناس
صديقتي
عصبيه و الاعتذار للاسف فن لا تتقنه بحكم كرامتها

في اي موقف او حتى سوء تفاهم تبتعد ولا تناقش ويكانها مستعده للفراق ( بحكم طبيعتها )
وبحكم محبتي احاول ادارك الوضع وابرر واعذر ولكن ان اخطات في حقها قلت العذر والسموحه وللاسف ما يُقبل الا بعد تكبر وم ادري ايش يسمونه + لتفاهة السبب

سبق وتشاجرنا والخطا منها وانا ادري انه منها وبرده اسيبها يوم يومين ولا تجي ولا تبين انها غلطانه
احط ذي الكرامة بباب واتوجه لبابها واتناقش واحاول الطف الجو وبرده لا تعتذر ولكن تعود الحياة واحاول اتناسى وامشي الموضوع

ولكن للاسف كل مرة نفس الي قبلها

تشاجرنا قبل ايام بسبب تافه وربي م يستحق
( جلست ورائها وقلت للبنت الي معايا اساليها وش معنى ذي الكلمة ( اقصد الترجمه ) فقالت البنيه وليش م تساليها ؟
فرديت بمزح وادري انها تسمع: اخاف تصرخ بوجهي وم يصير وقتها خير )
بعد الحصة صديقتي حملت نفسها كالعادة وبدات تتعالى وتصد جربت اكلمها م نفع ابرر لها م نفع اعتذرت وبدره لا
وانتهى المساء بصد منها
لبكره لقيتها جايه لحقتها وحاولت الطف الجو واشوف وجهها متغير والكلمة بالغصب تطلع وخشمها طالع بجد حسيتها تذلني ولو كانت ما ادري وش فيها بعد
تراجعت وخليتها تكمل طريقها وبالنسبة لي انتهى كل شيئ ( وش ذنبي اتحمل نفسيتها الشينة وهي م تتحمل كلمة مني وكاني راميه نفسي عليها . ليييييييييييييييييييييييش وش ذنبي اني اراعيها احترمها ولا شكلي عطيتها فوووق حقها ومكانتها داخلي اجل وربي استاهل )

استشرت الوالده وقالت مهما صار م يجوز الهجر فوق ثلاث وانتي ادرى بوضعك
فالبارح ي الاحباب لقيتها جالسه مع وحده رحت وسلمت عليهم وجلست بعيد
اليوم برده لقيتها مع وحده قلت السلام وصباحكم خير وجلست بعيد ( اللقاء كان بسبب دراستنا سوا )
وفي المرتين الي فوق
البنت هازه خشمها وتتكبر ووووووو و ما عندها مبادرة لا للصلح او حتى الاعتذار او حتى تكون نهاية الصادقة مسك كما يقال

اظن والله اعلم وضحت موقفي
وحاليا قررت الفراق : هي بسبيل وانا بسبيل والعوض من الله
وللحين كل ما تذكرتها احس بالذل والاهانه

سؤالي : فهل كل ماااره اسلم واردد السلام حتى ما ادخل في وضع من هجر اخاه
او يكفي ما فعلت حفظا وتحفظا لي ولنفسي لاني وربي السلام بعد ذول المواقف استخسرته فيها
من ناحيتي انتهت الصداقة ولكن صافيه وخلاص وهي كاي وحده كانت ثم راحت
فما رايكم ؟
كيف احفظ كرامتي ونفسي من الاهانة وما ادخل في حكم من هجر اخاه ؟

وبارك الله فيكم

المشاركة الأصلية كتبت بواسطة السلام السلام ~ ايه والله صدقتي ي اختي الغاليه استنزاف تام وقهرني بعد هذه الصداقه تصرفها كذا لا احترام او حتى مراعاة لما كان بينا يؤسفني والله النهايه تكون بهذي الطريقة لا تقديس للاخوة او الصداقة او حتى الزماله ع العموم تجربه وتعلمت والحمد لله ما جات بشيئ اكبر وللاسف تعدد الصحبة والصداقات م اقدر ولا استطيع فمادام الوضع راح يكون فيه تحفظ فالثقه راح تقل وما راح ارتاح لذلك قراري هو مواصلة هذا المشوار وحدي وبوحدتي واظنه افضل لي بارك الله فيك ع ردك الطيب وسرعه استجابتك شاكره لكِ اختي الغاليه

أختي الطيبة .. لاتجعلي هذا النوع يؤثر على ثقتكِ بالأخرين إياكِ ..بالعكس يوجد أصدقاء حقيقيون فليس كل صديق هو صديق .. وثقي بأن هذه الحياة تجارب ..وتعلمي أن لاتُسلمي قلبكِ لأي أحد .. فرق بين الصديق الذي أعطيه أسراري والذي اعتبره صداقة عادية .. والصديق الحقيقي هو الذي يعرف قيمة الحب في الله .. رزقكِ الله صداقة تُقربكِ لله ..

اتركيها سلمي عليها وبس الصداقات يفترض تكون فسحه من الشجارات والمشاكل العائليه مهب هم جديد

وعليكم السلام ورحمة الله وبركاته عزيزتي إنتي سويتي اللي عليكي بادرتي بالصلح وتلطيف الأجواء مع أن الأمر تافه ولايستحق لكن تقدر تقولي كذا نفسيتها وزي ماقلتي العوض من الله ونصيحة لاعادي بجد تورينها إنك لاحقتها وراكضة وراها خلاص ودي ترجع من نفسها الله يحيها غير كذا لأ بعدين ما أحس الهجر له دخل بالموضوع صادفني موقف زي موقفك تقريبا وافترقنا وانا غير مأسوفة عليها لكن أخدت درس الحمدلله موفقة عزيزتي

المشاركة الأصلية كتبت بواسطة السلام السلام ~ الاخوة والاخوات اوافيكم بالجديد اليوم التقينا وبالفعل م تكلمت معها ولا سويت اي شي واخذت مكاني عادي ع الساعة 10 بالضبط جات وحدة من الزميلات واشوفها تدز فيها وقالت : خلاص يكفي لعب عيال اهي جاتك اتصالحوا وانتهى رديت وقلت : منو قال احنا م نكلم بعض ولكن من ناحيتي صايفة وسبق وسلمت عليها قبل ايام فردت الصديقه : ابد ماقد سويتها بنبرة حاده تجاهلتها وم رديت وقررت انسحب ولكن البنيه الاخرى مسكتني وقالت خلينا نطلع ونتفاهم طلعنا الصديقة فقط تضحك وم ادري وش تحس بعد ونفسيتي كانت زفت وبعد محاولات من الي تبينا نتصالح بديت اتكلم وفرغت حزتي فيها سياق الكلام ( شكلك تبيني اعتذر لك عن خطاك فيني ع العموم انتي جرححتيني كثير وبسببك نفسيتي تازمت وكل ما ضحكت واو ابتسمت معاك اخاف لبكرة نتضارب وتسويلي مشكله ليش اطباعك كذا ليش تعامليني بطريقة احس نفسي ذليله معقوله الي تحبينهم كذا مكانتهم عندك تذليهم وترخصينهم وسكت فردت وحاولت تحط الحق بسبب الموقف التافه الي قلت لكم عنه فوق و قالت ليش ما قلتيلي انك قلتي كذا انا فهمتها غلط فرديت وليش انتي بغيتي تسمعي وبعدين انا جيتك زي ..............ابرر لك واعتذر وانتي الي حامله نفسك ومب راضيه تسمعي اش اسويلك يعني ؟ كرامتك عاليه اجل انا كرامتي على قولتك ذليتها لاجل صداقتك ) وختمت المقابله بـ اظن كذا وانتهى + خذيلك ذا الاسبوع راحة لك ولي ولكن خلي السلام بينا حتى م ندخل باللي هجر اخاه واظفت جمله م ادري اساسا ليش قلتها ( زي مافي مليار مني في مليار منك ) ولكنها قالت بس انا م تكلمت و ابيك لوحدك بكلام ( بنبرة حادة فيها شويه تحسر ) بس مو بذا الاسبوع فقلت لها حياكِ باي وقت وباي كلام ومع السلامه وحملت نفسي ومشيت وانتهت المقابله حاليا انا حطيت صداقتنا بين ايديها وش تبي يصير بيصير ان شاء الله ومستعده لاي شي ولاي قرار ولكن بيني وبينكم لو اشوفها اعتذرت وتمسكت بذي الصداقه راح تكون لها فرصه ولكن ان تكبرت وتعالت وشافت نفسها وان كرامتها م تسمح العوض من الله وراح اوافيكم بكلامها يوم نلتقي ومازلت بانتظار ارشاداتكم