جزاك الله خير يا اختي
انا ابعطيه بنته وماراح اروح اليوم لاهله
وخايفه يتجرأ ياخذها بدوني وهي لسى ماكملت سنتين

مالي عين اطالع امه واهله
امه مسكينه عندها ضغط وسكر
انا خفت عليها امس بعد اللي صار
وهي طيبه وعلاقتي بأهله كلها احترام وتقدير
وهو تعمد امس يكسر صورتي ويهيني
وام زوجي عيبها الوحيد نقل الحكي
وهو عارف.. ويبي يوصل لهم انه يهيني
يبي يوصل لاهله انه يضربني واسكت
امس قال لامه اشياء قديمه بلا مبرر
يبي يبين لهم ان فلانه ماتعني لي
واني ادوس عليها ليل نهار
لاتغركم ولاتشوفونها احسن منكم
حتى لو هي اجمل واكثر ثقافة واناقه
تراها مهانه عندي

علما بان راتبي وتعليمي اعلى من زوجي
وهالشي من زمان يحسسه بالنقص
لان شخصيته مهزوزه
وتعمد امس يسوي هالوساخه حتى يثبت رجولته
رجوله من ورق

واضح بعدش صغيره وفي بداية زواجكم بيكون عدم تفاهم حتى تفهمون بعض بس شكل زوجش يحب من زوجته التقدير والمدح والاهتمام وشكله ما حصله عندش ويحب اذا دلع او اعطى يحصل المقابل من العطاء ولكن للاسف حصل منش عدم المبالاه ورفع النقاب وكسر كلامه العناد مو بصالحش والاستماع للغير خراب للبيوت وكانش محتاجه توجيه من الغريب زوجش وانتي ادرى به عصبي يفضل الصمت وقلة الكلام ما تفهمين غلط الصمت موب يعني الزعل وقلبة الوجه لا يعني تحمله لانه شكله لش يد بعصبيته واستفزازه وداومي على الاذكار لا تضيعين بيتش وبنش لخلافات بيدش تجنبيها

انا مو صغيره.. في اخر العشرين
وتزوجت من 3 سنين
وكل ما استقرينا يرجع يعمل عواصف
ويتذكر اشياء قديمة كنا طاوينها
ابليس يركبه ويحركه وهو ماعمره ذكر ربه
حسبي الله ونعم الوكيل

يا غاليتي يا كنافة أختي في الله
انتي ما تريدي السب والشتم منه الان تعاني صحيح ؟؟!
طيب انتي الآن وقفي عناد واستفزاز

شفتي مسلسل القصة وردة فعله الشتم والسب
انت في البداية تقولي لما نزلتي الغطاء
اول مرة يسب ويشتم ويهين بهذه الطريقة صح؟؟
هذا السبب اول المصيبة والسببب

ثم هدأ
رجعت استفزيتيه في زيارتك لاهلك
ثم هدأ ما يسب
رجعت استفزيتيه بسؤالك انه كلم امه بالرغم انه قال لا

هو يعاني من عدم ثقتك مو شخصيته مهزوزة لا بالعكس وقد يكون عصبي


ما تريدي اهانة وشتم طيب اهدي الان وحاولي تسكت وتحتويه صدقيني سبرجع مثل الاول وافضل بإذن الله

الان هذه المشكلة
صحيح عنده اخطاء لكن المشكلة والحل من عندك اهدي واستهدي بالله

كنافة

انا مطلعة على جميع مواضيعك

للأسف انت تجادلين زوجك على كبيرة وصغيرة

وما تحترمينه وما عرفتي تحتوين زوجك وتبالغين في ردة فعلك

اتذكر انك تقولين ما يحب العلاقة وانه يهجرك واللحين غيرتي كلامك ونزلتي كذا موضوع تشتكين

اول العلاج
اتمنى تعرفين عيوبك وتصلحينها والله ان زوجك بعدها بتغيير

للاسف انا تغيرت 180درجة
بدليل تاريخ اخر مشكله شاركت فيها هنا
وبدليل انه قرر يكافئني برحله سياحه
الشي الوحيد اللي ماقدرت امسك نفسي فيه
هو تغير رغبتي تجاهه في العلاقة
صرت اتحاشاها.. وهو للمعلومية مايقرب الا كل 10 ايام مره


كنت سابقا ازعل واتذمر
لكن مع الوقت ماتت رغبتي فيه مع الاسف
وهو دايما يقول الزواج مايعني جنس وانو مايفكر بالجنس
رغم ذلك بقيت احترمه واقدره واعامله بما يرضي الله
اكيد فيني عيوب محد كامل
لكن ماتقارن بنقطة من بحر عيوبه وسخافاته وقلة عقله وقت الخلاف

وما اعتقد باللي كتبته لكم شيء منطقي او مبرر لقلة الحياء هذي

موضوع النقاب
بنظره أنت كسرتي رجولته وكسرتي كلامه لما خالفتيه
بعبارة أخرى أنت أهنتيه وما احترمتيه،،ظ

ردة فعله اﻵن هو جالس ينتقم لنفسه ويهينك ويحطمك ويقلل احترام اﻵخرين نحوك.

اتركيه فترة طويلة نسبيا،،،
لا تناقشيه
لا تترادديه
لا تجادليه
لا تصالحيه
لا تراضيه

ﻷنه عايش ذروة الغضب ولن يتقبل شيء..

اتركيه ليهدأ،، وأنت أيضا تهدئين ،، وتبدئين تفكرين صح وتوزنين اﻷمور وبالتالي تتصرفين صح.

أولا وأخيرا كل أمورك بيد الله،، اسأليه واطلبيه فهو وحده مغير القلوب واﻷحوال.

الله ينور عليك
فعلا كلامك صحيح
هو يحاول يقلل احترام الناس لي
سواها معي وانا مسافره
صرخ علي بالمطار والفندق.. لاول مره
وقال لي كلام حاول بحسنني فيه بالدونيه
وبأني غير عن باقي النساء واقل منهم
وختمها امس لما اهاني اخر الليل عند امه

زوجي سفيه ومن النوع اللي اذا سوى شي يتمادى فيه
يعني لو سكت له حيكررها لما هو اعظم واكبر

وسبق وقال لي مستشار اسري ان زوجي يشعر بالنقص
فيحاول يعاملني بدونيه كل ما اتيحت له الفرصه
وللاسف الموضوع جالس يكبر بشكل مهين جدا لي

وصمتي عاللي صار حيفهمه انه رضوخ
لانه يؤمن فكره ان الحريم يجون بالدوس حسب كلامه

^^^

ليه تحرمينه حقه الشرعي

ممكن ردة فعل زوجك نتيجة الحرمان

نصيحة لك

لا تتسرعين في الطلاق ولا تروحين بيت اهلك

حاولي تحلين مشكلة في بيتك

وكلامه مع امه لا تمشينها له عشان ما يتعود ينشر مشاكلكم

انا افكر اكلم ابوي بعد صلاه الجمعه يجي ياخذني
بس مترددة ومحتاره لحد الان
الله يكون بعوني