ماتحاولوش تغيبوا علشان تعرفوا غلاوتكم عند حد لانكم حاتتصدموا ..

اه حاتتصدموا ..

بجد حاتتصدموا ..

والله حاتتصدموا .

الواحد بيزعل بجد لما يكون منتظر سؤال من شخص معين ويفاجا ان هذا الشخص بالذات لم يسال عنك ..
هنا بتكون الصدمه ..
انا دايما ياسال عنك انتى وكل الاعضاء المحترمين ..
ومن غير حاجه او غرض ..
انبسطى ياستى ..

ده انتى معبيه خاااااالص
انا ابعد احسن .

طبعا حضرتك بتستدرجنى عشان ارد .. وده ذكاء منك وانا مش حااكسفك ..
سؤالك ده ممكن يفتح على ابواب جهنم لكن ولا يهمك .. انا لها ..
اولا انا لست فقيها فى عالم النساء وهناك من هم اكثر منى خبره ..
ثانيا السؤال ده يوجه للزوجات عن الشئ اللى لو عملناه نكسب سعادة الزوجه ..
وابقى قابلنى يوم القيامه العصر لو اتحقق ..
ثالثا . من خبرتى المتواضعه اقضل ان اعدل السؤال قليلا فى ايه الشئ اللى لو عملته تكسب سعادة المراه لان الزوجه مهما عملت برضه حاتقولك عمرى ماشفت يوم حلو معاك .. كانت غلطة عمرى ..
نتكلم جد يقى لو عايز نصيحتى ..
المراه تحب الرجل اللى وقت ماتحتاجه تلاقيه ..
تحس معاه بالامان ..
اللى اول ماتفكر قى حاجه يكون عاملهالها ..
تحب الراجل اللى عنده طموح .. اللى عاوز ينجح ويرفع من شانه ..
المراه تحب الرجل الكريم الذى لا ينسى مجاملتها فى اى مناسبه ..
المراه تحب من يشعرها بانوثتها وبمدح دائما فى زوقها ورقتها جمالها ..
المراه تحب من يقدر تعبها ويعاونها فى اعياء البيت ..
المراه محتاجه ظهر وقت ماتحب تتسند تلاقيه سندها ..
المراه محتاجه تشعر انها الوحيده بالقلب وانه لن ينظر لغيرها وسلوكه يبين ذلك
اعتقد ان دى الحاجات العامه وكل راجل وشطارته فى تنفيذها .. دى المراه اما الزوجه فبناء على تجربتى
لا يعجبها العجب ولا الصيام فى رجب ..
افدتك ولا عقدتك ؟