أود طرح بعض الأسئلة هنا للنقاش:
1) ما هي الأسباب الحقيقية لتفتيش جوال الزوج؟
ممممم صراحة افتش وانا اعرف لو في شيء فزوجي مش اهبل ولن يتركه امام عيني والباسوورد معروف
ولكن هيك ... حب استطلاع لاشوف كل الاخبار اول باول
ومسجات البنك تخبره بمسجات عن رصيده فاحب ان اعرف دون السؤال رغم اني لو سالته بيقلي !!!
يعني مابفتش شك ... انما هيك لقافة و فضول و احيط بجميع الاتصالات والاخبار
وزوجي بعرف اني بتفرج بجواله لانو بشوفني واحيانا بقلي ليش بتعملي هيك واحيانا بطنش
وربنا يهديني !!!



2) ما هو شعورك الداخلي عندما تقومين بتفتيش هاتف زوجك؟

عادي ... بحس بالهبل صراحة وانو يعني الرجال مش اهبل يخبي اسراره الي حابب يخفيها عني
في جوال باسوورده معروف
واني اعرف زوجي واضح وصريح ومش كزاب لشو التفتيش ؟
بس خلص من طبعي الفضول بشكل عام ...
لا والمشكلة احيانا بلاقي امور بفهمها غلط وبصير احلل من نفسي وبلف وبدور بدي افتح الموضوع مع زوجي
ولكن من لطف الله بي ان يتوضح الامر دون ان اجرح نفسي

مثلا مرة لاقيت انو مسج من البنك مسحوب مبلغ كبير
وفتشت في المحفظة مالاقيته
دارت الوساوس في مخي وقلت اكيد فاتح حساب تاني بخبي فلوس فيه ابصر على شو ناوي
وضليت اوسوس و مش عارفة انام لغاية مكنت برتب في حقيبة بنحط فيها مبالغ احيانا ولاقيت فيها المبلغ و سحبه وانصرف بعد هيك في امور المنزل !!!
الصراحة طبع مش منيح و منهي عنه و الواحد مايزن على خراب عشه ويدور عالنكد دوراة
ولكن خلص الفضول غالبني
3) هل يقبل الزوجات أن يقوم الأزواج بتفتيش جوالاتهنّ؟
انا مابحب لاني عندي خصوصيات مسجات مع خواتي وصحباتي فيها امور خاصة
وصور و شغلات خاصة فية و مش غلط طبعا مافيها شيء اخجل منه ولكن خلص بتعرفو الرجال بصيرو يعلقو عكل شي
ولكن لما يمسكه زوجي يتفرج عليه ويتسلى مابقول شيء وبخليه بس بقله ماتفتح المسج
وانا عاملة برنامج باسوورد عالمسجات والصور والي عايزاه

وفي النهاية الله يعين الرجال علينا و الي عايز يخبي اسراره اكيد حيطلعله جوال تاني يعني

__________________

-إذن أنتِ تفتشين من أجل الفضول والمعرفة مع أنك تعلمين بخطأ ذلك؛ لهذا سألتِ الله الهداية.
-نحترم الصراحة المتناهية وصدق الحديث مع النفس الصادرة منكِ.
-يبدو لي أنَّ اللهجة أردنية.. أليس كذلك؟!