افكار جميله وحلوه لكن تحتاج طولة بال..
تذكري يا خاله بيتا لما وعدتكم اتغير؟
فعلا تغيرت كثيييير.. صرت هاديه ومهتمه بزوجي اكثر..
لكن ارجع واقول انو زوجي من النوع اللي كثر الاهتمام يقسيه..
تخيلي هذا الاسبوع يوميا اعمل اكلات جديدة ولذيذه
وهو ياكل ويقوم.. اول كان يقول يعطيك العافيه حتى لو الاكل محروق

وملابسه من يومين كويتها كلها وعطرتها.. وهو فرح جدا..
لكن حاول يبين لي انو مو مهتم وعادي عنده..

اليوم صحيح ما انتقد اي شي.. لكن كان صامت معظم الوقت..
كنت طابخه صنفين يحبهم.. اكلهم كلهم.. ولما خلص قال ماقصرتي

سابقا كنت اول ما احط السفره يقول وااااو.. حتى لو الاكل بايخ..
سابقا هذي اقصد فيها الشهر الماضي.. مو زمان مره..

وقبل شوي رحت له الصاله اتقرب منه.. قال خليني اشوف البرنامج..
قلت له اوكي تصبح على خير حبيبي.. كنت مقهورة ولابينت..
وانا بالغرفه الان لحالي جالسه اكلمكم..

زوجي طبعه اذا قربت منه ركض بعيد عني..
واذا كنت اتغلى وابعد لحقني..
للأسف هذا اللي يفركش محاولاتي في التغيير..
انا من داخلي حابه اكون الزوجة الودودة المحبه الفرفوشه
وهو يواجه هالشي بالتجاهل احيانا او الاستفزاز بالنقد..


انا مفكرة اثقل اليومين الجايين..
حتى يلاحظ الفرق بعد اسبوع الدلع اللي عاشه..
وحتى يعرف ان الحياة اخذ وعطاء