المشاركة الأصلية كتبت بواسطة آفاق المجد

أتوقع يا كنافة مشكلتك بحاجتين بس :
- التطرف في كل شيء . عندك مبالغة جدا في ردود فعلك ، ومتوقعة إن الطرف الآخر لازم يستجيب فورا . قليل دائم خير من كثير منقطع . خليك إيجابية كويسة فرفوشة بدون ما يكون هذا عشان تغيرينه هو أو تحثلين على نتائج سريعة ومباشرة .
قال لك امسحي بمنشفة .. اسكتي خلاص لا تراددين . ما يضر ولا ينفع هالشي ! دائما ينفجر الموقف عند نقطة معينة تتكرر باستمرار .. وتكونين إنت السبب في تصعيد الحوار .
- الأمر الثاني إن زوجك مدرك تمام إن الطيبة واللطافة مش طبعك معه ، فيمعن في الفضاضة عشان يرجعك لطبيعتك الأصلية وخلاص . تعامل السنوات الي راحت ما راح يزول بيوم ويومين ولا بمواقف قريبة . تعدلي عشان نفسك .. كوني مقتنعة بالتعديل الجديد عشانك إنت أولا ، عشان تكونين هينة لينة سهلة الخلق طيبة النفس . وتعلمي التجاوز والتغافل ولا توقفين عند كل كلمة .
ما يجديك نفعا أبدا إنك تكونين طيبة وضاغطة على نفسك مدة ثم بسبب جدل ما له أي قيمة تزعلين وتنكثين غزلك كله .
كلمة زوجك : بديتي بالنكد يا ام النكد .... تدل دلالة قطعية على ترسخ صورة معينة بذهنة عنك ، عشان كذا يعتبر طيبتك وتهالكك عليه تمثيل .
خليك سمحة ، فوتي .. تغاضي .. اصبري
غلطانة لو مفكرة زوجك ما يقرا بوجهك كل انفعالاتك الداخلية ، إحساسك بالمن أنا عملت وعملت وعلمت وهو عمل ورد وسوى !!!!!
خلي تعاملك وتجارتك مع الله ، إنك تبين مقابل لكل شي تسوينه هذا مو صبر ترا .. تعاملي بالمعقول ولا تنتظرين إلا الجزاء من الله تعالى وبس .. أكرر وبس
ألحظ عليك تطويل الكلام الي يسبب المشكلة .. جربي تمشين وتتغاضين وتسكتين ، بدون بكا وانهيار ونكد وزعل . خليك عادية .
رجع كلمك عن البنت وحرارتها خليك عادية تماما معه . ترا المناديل مو نهاية العالم !
ما فيه طريقة ولا وسيلة ولا أي شي بالدنيا يخلي زوجك يتعدل معه إطلاقا إلا تغيير ينبع من داخلك ومن قناعاتك
ما فيه أحد ممكن يكون معك بكل موقف عشان يقولك وش التصرف الصحيح .. هذا شي لا بد أن يكون من داخلك إنت وبس .
خليك هينة لينة
ارفعي من مستوى تقديرك الداخلي لزوجك .. هذا بينعكس على كل تصرفاتك
شيلي من بالك إنك ممكن تغيرينه .. أرقى درجات الحب هي التقبل ..
تغافلي واستعملي المدارة
زوجك كويس وما عرفت مفتاحه للحين
لحظت وتيرة مشاكلة وحدة ما تتغير
استحملي تطويلي وكثرة كلامي وقسوتي
من قلبي والله أتمنى لك الخير والسعادة