المشاركة الأصلية كتبت بواسطة ريتــــــاج

عزيزتي كنافه هدي شوي عشان صحتك ،، واحنا قلنا ان زوجك فعلا غلطان وينقصه الاحترام وفعلا الاهانه لا يجبر الشخص على تقبلها وقلنا لك طنشيه واهتمي ببنتك وبنفسك وقومي بواجباتك بسسسس احرميه من الدلع وزيادة الاهتمام ومايسوى انه يجيك اكتئاب بسببه تلقينه الحين يدخل ويطلع وموسع صدره وانتي تاكلين بنفسك
انصحك هالفتره تعيدين حساباتك مع الله وتحاولين تقوين العلاقه بالله حافظي على الاذكار ،،حاولي يكون لك ورد يومي لو صفحه من القران،، صدقه يوميه لو بريال لعامل نظافه،، صلي بالليل لو ركعتين ،،اصرفي اهتمامك وتركيزك عن زوجك وبنفس الوقت اعطيه حقوقه بدون زياده ،،ولا تظغطين نفسك وتنتظرين منه شي
والله يا كنافه ما اتكلم من فراغ جتني ايام مع زوجي صعبه جداً سبق وخانني وتعبت نفسيا وانصرفت عنه وانشغلت بتصحيح علاقتي مع الله ،،، والله الذي لا اله الا هو انه تغير جذريا وصار هو اللي يدورني ويثبت لي بجيمع الطرق والوسائل انه تاب ويدور رضاي... اكثري من الاستغفار وسبحي الله واحمديه
{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99)}