ما اقدر اقول لابوي ما اقدر ما اقدر
لما زعلني زوجي وطلقتي قبل 6شهور
ابوي كان غضبان عليه حتى بعد رجعتي
وزوجي عمل المستحيل حتى يراضي ابوي
زوجي كان يجيب له هدايا ويزوره ويطمن عليه
وانا برضو تعبت لحد ماتحسنت العلاقه بينهم
لان ابوي مايرضى احد يزعلني مهما كان
وقال لزوجي قبلها لو بنتي جتني زعلانه انساها
واحتمال زوجي فهم روحتي لاهلي ابتزاز
او تهديد حسب كلامه.. لهذا السبب


وصعبه ارجع البيت واقول رجعت عشان الاغراض
ما ادري ما احس فيني قوة لهالشيء
ومنحرجه من امي لانها تدري اني زعلانه وزوجي مطنشني


واخاف زوجي مبلغ امه بالخلاف اللي بينا
وقتها بيكون شكلي سخيييف لو رجعت من نفسي


خايفه اتهور اكثر
ياليت رد باقي الاعضاء على هالنقطه

تصدقون لما اقرأ مواضيع الناس يضيق صدري
يعني اللي تشكي من زوجها مايهديها
اتذكر ان زوجي مغرقني هدايا وعزايم

واللي تشكي ان زوجها يخونها
اتذكر ان زوجي ماشاءالله مايشوف غيري
رغم كل المصايب اللي صارت بينا

واللي تشكي ان زوجها ما يحترم ابوها
اتذكر ان زوجي ماشاءالله محترم كل اهلي
ومكرمهم ومقدرهم

واللي تشكي ان زوجها مايصرف عليها
اتذكر ان زوجي يعصب اذا انا صرفت
ودايم يقول انتي زوجتي مسؤوله مني

واللي تشكي ان زوجها يفضل اهله عليها
اتذكر ان زوجي مايسمح لاهله يغلطون علي
وفارض احترامي على اخواته غصبا عنهم

هذا غير اني اذا مرضت يستأذن عشاني
واذا تعبت يقوم بشغل البيت بدالي
ولنا 3 سنين متزوجين وماشاءالله لليوم يتشيك لي
عمره ماجاء ينام جنبي قبل يفرش اسنانه ويتعطر


لكن وقت ماكنت زعلانه منه ماشفت الا عيوبه
كنت اشوف بس لسانه الزفز وهجره الفراش
ورغبته يعيش دور سي سيد في البيت
رغم ان لسانه مايصير زفر الا وقت مايتضايق
وشخصيه سي سيد عمليا ماراح تضرني
وحتى هجر الفراش مستجد له 6شهور
وهو قال نتيجه مشاكل سابقه
وانا الان فهمت انه بسبب خروجي السابق من البيت

ذاك الوقت جلست اسابيع ببيت اهلي
وخليته يتنازل ويعتذر بدل المره ألف
لانه وقتها طلقني بلحظه غضب
وكنت ابي اعلمه ان الطلاق مو شي سهل
ومارضيت ارجع له بالساهل
واظن لهذا السبب نافر مني بعد عودتي
واخاف اللي صار الحين يزيد نفوره
لاني عالجت المشكله بمشكله ثانيه


ما ادري ابكي والا اضحك
لكن الحمدلله على كل حال