السلام عليكم ورحمة الله تعالى وبركاته

أخي في الله
انا لي وجهة نظر اخرى وأتمنى أنك تتحملني!! ووالله مابقولها إلا لأني أبيلك الخير
ولو أعرفك شخصياً كان قلتة لك بالسر لكن وبما اننا مجرد معرفات مبهمة ف بقولك هنا

كل بنت تبي تعيش بأمان ، وكونك أنت اتلمح او تهدد بالفراق هالشي يحسسها بعدم الأمان وأنك بايعها!!
ركز معي شوي!! اي بنت تبغى تتزوج تبغى تعيش تحت ظل رجل يكون حنون وأمين عليها ويعيشها بأمان
أسلوبك معها كان يخوفها ولأنها خايفة سوت معك كل هالحركات!! البنت جداً خوافة وتخاف حتى من عواقب الامور!!
يعني من حست أنها رخيصة عندك او انك بايعها قامت تصور وتوري اللي حوالينها عشان لاصار ماصار محد يحملها مسؤولية!!

طريقتها معاك بالحوار هي من صناعتك انت!! لأن كل بنت نفسها تطلع بأحسن صورة مع خطيبها
وحط في بالك أن أفضل مرحلة يمرون فيها اي مخطوبين هي مرحلة الخطبة!!
بس لأنك انت يبدولي تبي تسيطر عليها!! وهي من جهتها رفضت هالشي لأن لها شخصيتها اللي تحترمها واللي المفروض انت تحترمها بعد صارت بينكم هالامور!!

إخراجها لأسراركم تقدر تعالجة في أنك ماتقولها أسرارك!! وانت اذا شاريها فعلاً خلاص سامحها وبطل تقولها اسرارك!!

تبي نصيحتي؟؟ هي وحدة من ثنتين يا
1- أنك تفهم شخصية خطيبتك وتتعرف عليها من جديد وتعطيها كل الأمان وتغير من شخصيتك شوي!!
2- او انك خلاص تبطل تكلمها إلى مايحين زواجكم ووقتها راح تكون قريبة منك (وعطها الأمان) وبتتغير

اما الطلاق ف حرام عليك ماسوت شي عظيم هي!! انها ما اعتذرت يعني؟؟ ياسيدي انا اسف بالنيابة عنها
أحمد ربك أنها بنت عفيفة ومحترمة وبنت ناس غيرك مو محصل هالشي واذا ياخوي كرهت منها خلق بترضى بأخلاق ثانية

الله يهدي سرك يارب

__________________
استغفر الله واتوب إليه