السلام عليكم ورحمة الله

اخوي العزيز ..

حاس بمشكلتك تماما كاني مكانك والله الشاهد ...

كل الي سويته صحيح 100% ...

ماعدا عدة نقاط هي الي سببت لك كل هالمشاكل ..

1 - الوالد ..

كثير ابهات طواغيت وظالمين ..

لكن الله عز وجل قال ...( ولاتقل لهما اف ولاتنهرهما .. واخفض لهما جناح الذل من الرحمه) الآية .


تخيل انت عاندت ابوك .. وقاطعته نهائيا ... كيف تتوقع ربي يوفقك؟

اي نعم طعت الوالدة الله يحفظها ويخليها لك .. واي نعم وفرت لها كل شي ...

لكن مو معناه ان الوالد بالهامش .. هو غلطان واناني .. وظالم مااختلفنا ...

لكن مسئلة انك تقطع علاقتك معه .. كانك تقطع علاتقك مع صاحبك..

هنا اساس وقلب المشكلة ..

الشي الثاني

2 - التقسيط ..

دامك مافكرت كثير بالزواج .. ليه كل هالضغوطات جبتها دفعه وحده فوق راسك؟

كيف تتقدم وتخطب وتملك وانت ماعندك اساس متين توقف عليه؟


صحيح الطالب للعفه يوقف ربي معه .. لكن يااخي لازم نتخذ بالاسباب .,.

السيارات بتهد حيلك وتخرب عليك شهر العسل وتؤرق منامك وتتعب صباحك ..

انت قلت بنفسك كنت مدير وصرت صبي ... صحيح العمل مافيه اي عيب او غلط ..
لكن ليه تحد نفسك اساسا؟؟

ليه مو على الاقل جمعت لك كم قرش لو على مدت ثلاث سنوات بعدين تقدمت .!!!
وش الي خلاك تستعجل؟ دام ماعندك اصلا وحده معينه ..



اذا تبي شوري لك ...

اطلب من اهل البنت ينتظرو اقل شي سنتين الى ان تخلص لو نص ديونك من السيارات ..

لو حتى تظتر انك تفصخ الملكة ...

ومباشرة راضي والدك .. حتى لو مارضي .. يكفي انك سويت الي عليك ولاعطيته مجال ... والمشكلة الاعظم ان دعوة الوالد مستجابه يااخي!!!
فاحرص وانتبه على نفسك ... راضيه باي شكل من الاشكال اكسب رضا ربك قبل رضاه
ومن ناحية الفلوس اقترض!!! قدم قرض وسدد ديونك وابدا على مهلك سدد للقرض ..

واسئل الله ان يفرجها بوهجك ويجمعك مع والديك على افضل حال ويهديك ويهدي والديك والمسلمين اجمعين


اللهم آمين

بالتوفيق