رد : مشكلة لصديقة عزيزة : هل زوجي يحبني وهو يسي معاملتي؟مستجدات الرد 38
أنتوا مب فاهميني أنا قلت كانت عندي مشكله وياه بداية زواجنا وخلاص قدرت أعطيه الي هو يريده ونحن عندنا طفلين كيف تبغوني أحبه أو تعامل وياه عادي هو يريدني مثل ماهو يريد لما تزوج ثانيه كنت عارفه أنه ممكن يتزوج وكان مخبرني بهذا الشي مع أنه ابوي كان شارط عليه اذا تزوج ثانيه يطلقني بس لما تزوج سكت بس من داخلي كنت بموت هو يقول احبج ومستحيل أحب أحد غيرج لكن لما تزوجها كانت عندي ظروف وكنت تعبانه هو ما انتظر حتى بعد زواجه منها بفتره طلعني من بيتي وبموافقة الكل عشان كنت تعبانه وحامل لكن صدمني مره ثانيه انه سكنها بيتي من غير ما يفكر فيني حسيته يعاقبني لكنه كسرني من داخلي سالته أكثر من مره ليش ليش دخلتها بيتي قالي اونه فتره لغاية ما اخلص بيتها ولا بخليها تدخل الطابق الي في حجرتج بتم تحت سكت وتميت بيت عمي كان يقولي مستحيل تدخل بيت اهلي وانتي موجوده لكن العكس صارت تجي البيت وتحضر كل مناسبات هي في البدايه كانت ما تكلمني ولا تغلط يمكن لانه هو حتى ما سمح لها لكن بعدين بدات مثلا تقول هو يحبني ولا يحب غيري وهو وهو وانا جالسه من غير ما احد يسكتها وكم وحده من خواته كانوا وياها ويضحكون وياها صرت انا لما يجتمعون وهي موجوده ما أنزل بس والله انا ولا مره غلط عليها أو حتى جرحتها بكلمه أنا مب زعلانه منها لانها ما تهمني كنت مصدومه منه هو ليش ساكت
28-02-2014, 10:33 AM
ضوابط المشاركة
العرض الشجري