اخوي البليغ...

ياليتك والله ماقلتلي أتصل جالس اجري ورآها ولا حياه ولا دم ولا أخلاق وفوق كذا هي غلطانه ... انا اللي أبادر بالصلح عشان كلمتك والله ... .... وهاذي النهاية
والله ياراسي يبي يطق نصفين مع هاذي البنت وأهلها ، من البارحه وانا اتصل عليها من جوالي تعطيني مشغول ...وشوي ارجع اتصل ماترد وارجع اتصل تقفل جوالها... قلت شوي وارجع اتصل اتصلت من تلفون مكتبي من الساعه 10 الصباح اللين نهاية دوامي ماردت عارف إنها صاحيه أرسلت رساله لها ( صباح الخير ' دامك صاحيه ... ردي .. وليش هذا كله على ايه ... وش الشي اللي سويته انا وصار هذا كله ... قوليلي وخليني أحفظ شويه من كرامتك ...ويكون عندك دم ... انا أنتظرك... ) وإلا اليوم ولا رساله حتى ماردت ولا عبرت ... انا والله ماسكه معايه الا وإلا اعرف وش سويت انا ... رغم والله ماسويت الا كل خير ... قلت ياولد صلي العصر وأقرب محل شرائح وأشتري شريحه ...سريت على البيت ورحت صَلَّيْتَ العصر ...وعلى اقرب محل جوالات واشتريت شريحه هذا كله عشان حضرت جنابها ترد لجل اعرف وش الشي اللي انا سويته.... قلت أكمل مشاويري ... وبعدين نتصل ... رجعت البيت على المغرب ... والله واطلع بيتي ... واتصل اول مكالمة ما ردت .... وثاني مكالمة ماردت .... اتصلت على تلفون بيتهم الثابت ... مارد الا النحس ابوها، قلت خلني انا العاقل . سلام عليكم .. وعليكم السلام هلا ياعم كيفك صحتك ... طيبة ان شاء الله قال الحمدلله ...مين ( قلت فلان ) يوم قلت إسمي سكت تقول كأنه ملك الموت نزله ... والله انا راح أتجن ...وش وصلتلهم عني من كلام ماني عارف ، قال تفضل قلت أبد الله يزيد فضلك بس اذا تكرمت ياعم بغيت أكلم فلأنه ممكن ... على طول قالي بخصوص ايه تكلمها ... يعني زي اللي يقول لا تتكلم معاها ... انا قلت هذا شكله ماراح يعدي اليوم على خير ويبي يرفع ضغطي... قلت له بإختصار عشان لا ادخل معاه في مجادلات ... قلت له لا بس موضوع بسيط ان شاء الله وبأخذ رأيها فيه وبسألها كم سؤال .... وان شاء الله أشوف كلامها وبعدها أتكلم معاك ... قالي طيب قولي الموضوع وانا اكلمها ... انا استغربت والله من كلامه .... يعني مسوي انه مو عارف إن بنته الغلطانه يبي يطلعني انا الغلطان .... قلت المعذرة ياعم والله أنا كمان ماني عارف الموضوع الا من صاحبه الشأن وعشان كذا طلبت إني أكملها.... ياجماعه الخير ياليته سكت وأختصر من اول ولا قالي إنها خرجت .... كان اختصر من اول ولا كان يحقق معي .... قالي هي اللحين ماهي موجودة ولما تجي خير..... قلت ليه هي وينها .... قالي بيت فلأنه ... لما قالي اسم صديقتها والله بموووووووت قهر قهرني قهر يوم قالي انها هناك بغيت أبكي ... قلت مع مين راحت ... قال انا وصلتها ....انا خلاص والله العظيم ماني قادر أمسك نفسي انا اعترف اني خربتها معاه ....ولكن والله من خوفي والسمعة عليها يااااهوووو أب هذا ولا مين ...كيف كيف يخلي بنته تمشي مع وحده بوووووويه وسواق وخرجات طرت فوقه وهي من سمحلها إنها تروح عندها وأنا حلفت يمين إنها معد تعتب عند هاذيك البنت .... قالي أنا ابوها وانا سمحتلها ...قلت أبوها على راسي بس مالك اي حق تسمحلها ياعم وزوجها وولي أمرها مازال موجود وذمتها على ذمته احد كلمني احد فيكم احترمني واتصل علي ولا بس فالحين تعرفوا تتكلموا عني ... قالي احترم نفسك ... قلت انا محترم غصب عنكم ... وبنتك شرفها مازال على شرفي ... إنتو اللي ما احترمتوني كيف تسمح بنتك تمشي مع هاذي الأشكال ... والله ما اسمحلك انا... اذا بتخلولها المجال مفتوح وقت ما تخرج تخرج وقت ماتجي تجي ... دامك آنت كذا فالت الحبل ياخي اعطيني زوجتي ًيابن الحلال رجعلي ياها وانا بسنعها لك ..... وهو مازال يصيح بالجوال .... قلت انتو سبيتوني وسكت ... اتصلتوا على الناس إنه انا مجنون وطلقتها 12 طلقه ...وسرقت ذهبها وسكت لا كن المره هاذي .... وش بتقولوا باع شرفه ... والله ياعم راح أقاضيك ... وقفلت السماعه ) ادري اني خربتها والله من قهري ... ودي اروح هناك واسحب اهلها من شعرها .... والله أكلمكم وعيوني تدمع من القهر والله حرام كذا لا أب يشد على بنته ولا ام .... الله يحرق من أب اللي ماينتبه ابنته هاذي البنت ما اثق فيها... .. انا خلاص والله قرفت منها ومن اهلها ... حلوه هاذي .... انا اللي أبادر انا اللي اتصل عليهم ...وبنتهم الغلطانه ياسلام ... وياليت انه في احترام ولا شيئ حتى خلاص مافي حل غير الطلاق ... بعطيها صكها .... وانفك من شرها وشر اهلها

صديقتها البوية.وش تعرف عنها ؟
ما هو تصورك لعلاقتهما و هل تقصد ببوية انها شاذة!

__________________

شكرًا على ردك أختي

اول شي ياليت ... يعطوني فرصه اتكلم معاها
حتى هي وهي زوجتي لا يوجد منها اي رد ...شايفه نفسها بزيادة
من ناحية المادة الحمدلله بيت ملك ... راتبي ولله الحمدلله 7000 آلاف
والله مابخلت عليها ولو بأغلى ماعندي
كسرت جوالها البولد ...وطلعت جوال بنفس اليوم ايفون 5
اطلعها تمشات ...فنادق ... غرفتها يا كثر الهدايات

----------------------
هذا كله .... وعندهم بخيل

يقولي عني بخيل .... بس يعطوني فرصه اتكلم معاها عشان ابين من الصح ومن الغلط ...وأحلف على المصحف ان اهلها عارفين كرمي .. بس للاسف لأجزاء ولا شكورا ... المشكله والمصيبه ان أمها تمدحني والله مباشرة بالجوال ... اللحين لااااا ... انت وانت فيك ...
لو انا بخيل والله استكثر عليها تحت سابع ارض
بس للاسف

اختي الكريمة مسز داني ...

صديقتها لديها سائق خاص ...

صديقتها ... تحب تطلع كبائن مع صحباتها بالثلاثة ايام من غير محرم
أمها مطلقه ... وأبوها عايش بالخارج ...يزورهم بالاجازات
المشكله انها زوجتي تكلمني عنها والمصيبه ورتني صورتها ... ولما شفت كأنها ولد كسرت جوالها وحلفت بالمصحف انها بنات وفعلا طلعت بنت بعد ما تأكدت .. وعشان كذا طلعت جوال ثاني لها
ومنعتها من الخروج عندها ...عندي ماتقول بروح عند فلأنه اللين ماعملتلي مشاكل بسبتها والله الحمدلله على نعمه العقل .. ماتقول بنت من لبسها الرجالي وقصتها بشعرها ...
وأمها مطلقه وأبوها متزوج بالخارج ...
الله يكافئهم ...

__________________

والله مدري وش حادك ؟!!
تنتظر يجيك أولاد وتبلش بها وبهم ؟!
إذا مو مرتاح معاها ولا فيه مجال للتفاهم مع أهلها ليش هالمحاولات ؟!
رأيي من رأي أخوي أبو مريم
من أيام الملكة ووضعكم ماش
خلاص يا أخي
في الأرض منأى للكريم عن الأذى .. وفيها لمن رام القلى متحول !!

__________________
## مهم ##
هل تتعرضين للابتزاز في الانترنت؟


هنا من ينقذك

مشكلتك لا تستدعي الطلاق
قليل من الثقة و الانضباط منها ومنك
لكن عليكما ان تلتقيا
للاسف المكالمة اخذت منحى اخر لما اتى بسيرة صديقتها الله يستر عليها
شكلها رجالي ابوها و امها منفصلين وحياتها فري
ممكن اعرف ما دخل ذلك بشرف زوجتك؟؟
مظهرها الرجالي قد يكون لحالة نفسية لديها.فلا يجوز اتهامها باكثر مما نرى
زوجتك عنيدة و قد تكون فعلت ذلك لتغيضك. . والا لما ارتك صورتها
و انتقدت تصرفاتها.فلا تخاف هي لن تنجرف معها لاي شيء
ووالدها حفظ سمعتها قبل لا تتزوج و لن يفرط. لانك خطبت من بيت كريم
على العموم من حقك كزوجها تمنعها .لكن تمنيت ان تكون المكالمة اهدأ
و إذا رجعت لك يصير خير
انت ايضا قد يكون لديك صديق لا تحب تصرفاته فهل من الضروري التاثر به خصوصا لو ان انتقدته
قلت سابقا. كتلميح..لزوجتك
زوجيني اياها؟
انت و هي تثيران شك بعضكما البعض
فتأمل هذه النقطة و اعمل على اصلاحها

__________________

مع هذا الرأي السديد ، وأصلحك الله أسلوبك كان جداً حاد ؛ مهما يكن هذا والدها فيجب أن تحترمه ..!
لا يوجد أب لايخاف على ابنته مهما كان به من عيوب ..!
هل يوجد شيخ حكيم يصلح ، بإندفاعك وعصبيتك هذه لن تحل الأمر بل ستزيد سؤء ..!
وفقك الله لكل خير ..

عفكرة ، الشك لابد له من أسباب ..!
ابحث عن هذا الأسباب وبصدق وعالجها معها هي وجهاً لوجه ، أعيد الثقة إليها ..!
كلاكما على خطأ ..!
بمجرد زوال الشك ستهدأ حياتك .
في الجامعة الكثير قابلت من هذا النوع من الصديقات لاتقلق مادام لديها مبادىء وتخاف على نفسها لن تتأثر منها فقط ذهب رُبما غيظاً بك كما قالت مسز داني الحبيبة .!

صدقتِ يامسز داني ، بمجرد ذهابها لصديقتها شككت بها ؟!
بمعنى حتى أنت تشك في تصرفاتها ..!