رد : تقدم لبنتي شاب على خلق ولكنه قد لايستطيع تحمل تكاليف الزواج
مبروك لبنوتك ياخالة بيتا الف مبروك والله يتمملها على خير يارب
خالتو حلو الزوجة تساعد زوجها بس هالحكي بالنسبة للزوجة ،
واضح انه بنوتك معجبة كتير بالعريس لهيك مندفعة بس الاندفاع من قبل البنت بهاد الوقت مو لصالحها من جميع النواحي،،
هيه بما انها متمسكة فيو كتير هلأ خليها فقط انها توضح للعريس انها راضية تغيش معه على قد حاله
وماتقله انها عم بتدور على وظيفة براتب اعلى وبدها تساعد من هلأ وبدها تتكفل بالصرف من هلأ لأنه الشب بشر وممكن يطمع او يتكل عليها بشكل كبير لقدام او على ابسط سبب يقلها انتي الي اندلقتي عليي وماسدقتي ومن هالحكي الي بيفرس..
خليها هلأ تشوف شو حيطلع معه ولاتحمله فوق طاقته ولا هيه تندفع كمان !
هلأ هيه عم تحركها مشاعرها
بس بعد الزواج حيحركها عقلها وممكن تندم على اندفاعها قبل الزواج
وبالنسبة لحفلة العرس هاي خط احمر مافيها نقاش بغض النظر وين تعملها بس المهم تنعمل الحفلة كرمالها هيه اولا وكرمالكم انتوا اهلها وكرمال المجتمع الي مابيرحم
ويارب الله يختارلها الي فيو خير الها يارب
وكتروا دعاء وصلاة استخارة
وبالتوفيق يارب
04-04-2014, 03:42 PM
ضوابط المشاركة
العرض الشجري