الله يهديه ويهدي صديقه

تأثير الأصدقاء مشكلة وصعب التعامل معها

لازم تكوني حذرة ... وحاولي تتجنبي المواجهة الصريحة لكن كوني لحوحه ... تكلمي عن مساوىء نشر أسرار البيوت واستغربي من اللي يقول لصديقه عن أسرار زوجته وفي حديث شريف بهذا الموضوع .

تكرارك لاظهار الشخص اللي ينشر أسرار بيته يخليه يشوف مدى سوء هذي الخصلة بصديقه ...
ممكن صديقه فيه صفات طيبة كثيرة .. ممكن طيب معاه .. خدوم له .. وفي .. يفهمه .. فلا تحاولي تذمي بصديقه بشكل عام .. بالعكس .لو وصلت الأمور للمصارحة فامدحي بصديقه بصفات طيبة ذكرها لك زوجك عنه بالأول وذمي هذي الصفة تحديدا وبأنه مافي أحد كامل لكن لازم اننا ما نتأثر بالصفات السيئة بأصدقاءنا وناخذ منهم فقط الصفات الطيبة ... يكون تأثيرنا احنا عليهم بأنهم يغيروا هذي الصفة السيئة مو احنا ناخذها منهم

ممكن تجيبي قصة لصديقة لك وبأنه صديق زوجها طيب لكن يقول لصاحبه على أسرار بيته ويحرضه على خراب بيته بدون ما يكون قاصد الأذية .. وانك تسغربة كيف أنه الصفة السيئة هي اللي سادت وزوج صديقتك أخذها منه بدال ما يوعيه ويتأثر منه ويترك هالصفة اللي رسولنا نهانا عنها .

.. تدرجي حبيبتي بنصح زوجك ..بالأول تكلمي بصفة عامة وبتلميح واذكري محاسن حياتكم .. وبأنكم متوفقين مع بعض مو مثل بعض ناس زوجاتهم متعبينهم .. وجيبي أمثلة ومواقف حلوه صارت بحياتكم ....خليه يفهم أنه فرق بين بيت وبيت ..

ولو لاحظتي انه لا زال متأثر بصاحبه ويسمع له ويقتنع بكلامه ... ممكن يصير يسمع له من باب المجامله لكن يتغير من داخله ويعرف الفرق بينكم وبينهم وبالتالي بتلاحظي معاملته لك تغيرت ... هنا وقفي خلاص .. وصلنا للي نبيه
لكن لو تم متأثر وتعامله معك مو طيب استمري كذا يوم وبعدها جيبي قصة صديقتك الخيالية ..

خلي المصارحة المباشرة ااااااااااخر خطوة لأنها صعبة شوي

المهم زوجك وقناعاته مو المهم صديقه ..لأنه لو كان زوجك سهل يرخي أذنه لخراب البيوت بيلاقي مية مكان يسمع منه مثل هالسوالف .. لكن لو كان هو مقتنع انه بيته غير وزوجته غير ما راح يسمع لأحد .

__________________