03-05-2014, 05:02 AM
|
المشاركة الأصلية كتبت بواسطة أم خآلد
لالا بالعكس ندى أنا معاج
أمش عدل يحتار عدوك فيك يعني.. وصحيح المظهر جداً مهم لأن الإنطباع الأول ممكن ناس كثير تصدر أحكام عليه! وما يصير تلبسين لبس غير شرعي وتعتقدين أن محد راح يتكلم عليج فعلاً.. الإسلام جمع الشيئين الجوهر والمظهر. بس الي كنت بوضحه أن هذا السلوك خليط من النفاق و التعصب. أولاً قد يكون هالانسان منافق و عشان جي يتظاهر ويبان عليه عدم المعرفه الحقيقيه بالدين وأصوله وأهم مافيه.. الشكل آآآخر شي ممكن يفكر فيه الانسان المتدين.. كماليات يعني المهم تعرف دينك تاريخه أصله معاييره و قوانينه وسبب خلقك ووجودك .. بدون هذي الأمور الالتزام الشكلي لاااا يجعنا "قديسين" لأن مثل ما انتي عارفه هالايام تقول الوحده أنا نويت ألتزم خلاص وأتوب.. وكيف يكون الالتزام عباة راس و غطا من فوق لتحت.. (ومايخالف) لكن كان أولى أنها تبدأ بدراسة دينها من عقيده و فقه وقرآن وتفسير.. مع الاحتشام لا بأس. ولكن الاسلام مو حجاب نقاب! كل من تنقبت صارت الداعيه و خليفة الله فالأرض وقامت تشوف الناس من طرف خشمها و باحتقار. والله لا جيت أحاور بعضهم أكتشف أن ماعندها أقل معرفه فالدين!! الاحتشام هذا شيء لج أنتي يعود عليج بالفائده .. يحشمج عن التحرش و عدم احترام الرجال لج وبنفس الوقت يحفظ لنا المجتمع يحفظ غرائزنا ويمنع الفاحشه.. وله أفضال كثيره ولكنه ليس إلا فرع بسيييييط من الدين! ونفس الشيء الرجال أول ما يتلزم يطول اللحيه و يقصر الثوب.. وكثير مانشوف الي يتلزم ويرجع بعد كم شهر مسوي سكسوكه خخخ ومسواك ومسباح ومن يلتزم يروح يطق له أربع حريم و يقعد يكرّه خلق الله فالمسجد والصلاه ومن يدخل المجلس قالوا أعووذ بالله جانا المليغ. طبعاً مو الكل أكيد ولكن هذا الطابع العام.. وقالت لج الأخت راعية الموضوع أنها كرهت مركز التحفيظ!! حتى أنا كنت اروح مركز أبي أحفظ وبنفس الوقت أتعلم الفقه.. لكن كرهت وكرهت وكرهت..!!! أعرف أن غلط ولكن غصبن عني الجو كاان كئيب جداً ماعرفت أعاشرهم حسّيت تفكيرهم محدود في حفظ قرآن لمجرد الحفظ بدون فهم .. تلقين في تلقين وكاان التركيز على التجويد أكثر من التفسير و معاني الكلمات ومناسبة الآيات... مع أن الأهم كان المعنى .. ولا انكر أهمية التجويد!! تدرين أنا مره محفظة قالت لي اذا ما جودتي القرآن وانتي تحفظين تأثمين؟؟؟! يمكن صح كلامها ولكنها عيفتني القرآن كم شهر.... مع انها انسانه طيبه وحبوبه لكن جهلها بمهارات الاتصال و عدم معرفتها بالدين خربوا عليها.. هي قالت لي بنفسها أنا عندي شهاده اكون داعيه من وزاره الاوقاف ولكن ما عندي القدره اتكلم و اعلم الناس دينهم وبصراحه أنا معاها  والله عجبني سليمان الجبيلان يوم قال الواحد لما يموت يبقى ذكره الطيب عند الناس لادخل مجلس فرحهم وقام يسولف سوالف تونس الي مهموم وعنده مشاكل يفرحه والناس لين اقبل هلت ورحبت وفي الي مكشر وكل شي حرام وعيب و محكر لخلق الله هذا لا مات محد يطريه !!! ومعروف من علامات حسن الخاتمه ان الناس يذكرون الميت بالخير.!! انا هالموضوع جايني عالجرح فوقته .. اشوفني طولت فيه! السموحه والمعذره ولكن أكيد راعية الموضوع تعرف حرّتي خخخ |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري