السلام عليكم ، صباح الخير ، لاا اعلم كيف وصلت اليكم هنا ولكن لعل الله يسسر لي الطريق ل استمع لنصائحكم بسرد قصتي كامله واتمنى اجد بين ايدكم ارشادي يارب ..

انا فتاه ابلغ من العمر 24 سنه واعيش مشاكل مع اهلي بحيث انني تحملت المسوليه وصرت اعمل لكي انفق ع نفسي والدي مبتعد كل البعد عننا امي هي من تحملت وتعبت لاجلنا ابي قاسي جدا لايحس بنا لدرجه كنت ابكي واقول له ياليتني يتيمه اتمنى حنانك ولا اعيش محرومه منه وعادي لم يتغير شي الى ان جته جلطه وقتها ضعف جدا ولدي 3 اخوان ولكن دون جدوى كلن عايش حياته انا اكبرهم طبعا ابي كل من تقدم لي يرفضه بحجه انه لي من قبيلتنا ومره ليس من نفس منطقتنا بعيد عننا وصعب نروح نسال واحيانا يقول لي انك عادي اذا وصل عمرك الاربعين انتي في بيت ابوك معززه ومكرمه وهو اصلن لاا يعلم عن مايواجهني بالحياه ابد له فقط مظهري الخارجي وتقدم لي 4 ورفضهم ولجات الى لجنه اصلاح اسري لعل وعسى وتحدثوا معه وكلم الشيخ وقاله انا والبنت اتفقنا نصرف نظر عن الخاطب وهو اقسم بالله لم يخبرني ابد وعندما ذهبت اليه ابكي واتوسل به يقولي عيب انتي ماتستحين لسانك يبي له قص انقلعي يلا قلت له انا ماسويت شي غلط وهذا حقي الشرعي يضحك ع كلامي وسكتت واستخرت رَبّـ❤ـيٌ بالخاطب وتقدم لي شخص من نفس القبيله وموظف عسكري وصرفهم يقول لهم اننا راح نطول نسال عنكم ولا اخذ اسمه ولا رقمه والى يومكم لٱ اعلم عن الخاطب شي ذهب من حيث اتى اصبح تفكيري سلبي انا خايفه الجا للحرام لاا استطيع ان احكم نفسي كل صديقات اصبحن امهات وانا سجينه بدون اي ذنب اتمنى طفل لدرجه اتصلت بدار الايتام اريد ان اكفل طفل بسبب منع ابي لي من الزواج اخبرني انه صعب جدا ماذا اعمل فكرة في المحكمه بس اخاف من دعوه ابي علي لاا اريد فرحتي بدونه وهو لايحس بي فكرة ان اضر نفسي ليتحمل ذنبي حَتْىّ بكيت في وجهه قلت له الله لايسامحك دنيا واخره كان طول عمري حافظه نفسي من الحرام وانت تحدني له الان كانك تسهل لي طريقه اريد نصائحكم ماذا افعل ؟ من يستطيع مساعدتي ؟ يارب وحدك تعلم ..... نبره حزن

إذا رفعتي عليه قضية عضل وثبتي كلامك راح يسحبون الولاية منه ويخلونها في يد القاضي

امك ما دورها في الموضوع.كذلك اعمامك اين هم من هذا.

وعليكم السلام ورحمة الله وبركاته ..
مرحباً أختي الكريمة آلمني حالكِ جداً ، وأسأل الله أن يهدي والدكِ ..
ونفس سؤال الأخت ماهو موقف الوالدة ؟!
أولا يوجد شيخ كبير في عائلتكم أو حكيم يخاف الله يساعدكِ في هذا الأمر ؟!
قلبي معكِ ، وأسأل الله أن يُبدل حزنكِ فرحاً ..

حبيبتي نبرة حزن

يبدو لي أن والدك ووالدتك مطلقين

يرجى الاجابة عن اسئلة الاخوات بدور والدتك بموضوع الزواج .. ومن ثم لي عودة اذا تأكد لي انهم مطلقين

ارجوك يا حبيبتي .. لا تجعلي للشيطان مدخل الى رأسك بالوساوس بأن والدك ممكن أن يكون سبب تعاستك ابدا

هذا باب من ابواب الجنة .. البر به حتى لو كلفني عمري كله ومالي كله لن يكون خسارة

تعالي لنتناقش

__________________

عزيزتي بعد مرض والدك انتي الي تصرفي عليه ؟ انتي الي تخدميه في مرضه ؟

حسيته محتاجك و خايف تتزوجي و تتركيه

اذا ظني صحيح

يمكن لو طمنتيه انك ما تتتخلي عنه راح يلين

انا افكر بهالشيء وبنفس الوقت خايفه الرجال مالهم امان ممكن بكره يقلب الموضوع ع راسي ويبدا يعايرني فيها وبكذا بيكون الجرح جرحين خسرت من الصوبين ☹

امي مافي شيء مافعلته لدرجه طلبت منه الطلاق وهددته انها بتاخذني للمحكمه يملك لي القاضي ويفسخ امي من ابوي لكن دون جدوى ..
اما اعمامي اتصلت فيهم شخص شخص وبكيت انا لاا اطلب موافقه ابي بالغصب انما اطلب منه اعطاي حقي الشرعي مقابله الناس واخباري موب تصريفهم واختلاق اعذار غير مقنعه ! كلمت عمي وقلت له ياعم انا اليوم بنتك وابي فزعتك ابوي هذا وماصلح فيني انا وقفت له بالزمن وقفت الولد والبنت والكل يشهد اني مواقفي عن الف رجال وان مافي بنت بهالزمن تتحمل الحال وتصبر كثري الحمدُللہِ .. قالي والله مابيدي شي ومابي اخسر اخوي وانتي اصبري لو سنين مردك تتزوجين واذا تقدم لك احد قولي له ان هذا وضعي واصبروا الى متى طيب الناس تحسبها من باب الكرامه ما احد بيوقف حياته علشاني وكلمت جدتي قلت يمكن لها تاثير اقوى قالت لي والله يابنتي مابيدي شي انا كلمته وقالي مالكم دخل بحياتي وانا اعرف مصلحت عيالي ولاا تفتحون علي ابواب مسكره وكل من ساله قالهم ماجاه احد من وين اجيب لها خطاب !!!

الله يعطيك العافيه ياقلبي ،،
اجبت ع الاخت ، اما العائله حدث ولا حرج الكل يقول نفسي نفسي مالي دخل وان اذا كان هذا موقف ابوها احنا مابيدينا شيء مَھْمَـاَاَ كان يظل ابوها ولازم تتحمله وتصبره ،
مع العلم ولد خالي يبيني وتهاوش خالي مع ابوي وكبر الموضوع وقطع خالي صله بامي واخبرها ان اللي بيننا ثار بسبب رفض وابوي لهم وان راح يدمرني لو بالسحر عناد ل ابوي وامي واعمامي معهم خبر بذلك وابوي عادي موقفه جدا يقولي ماعليك من احد لاتسمعين للكلام طنشي !!!!

لاا امي وابوي موب منفصلين ،
اعلم انه جنتي وانه مَھْمَـاَاَ عمل يظل قطعه من القلب بس اليس من واجبه ان يخاف علي وانا بهالسن والان اصبح المغريات اكثر مع العلم اقسم بالله ان من خلال عملي وطلعاتي اعترض للمغازلات والكلمات المعسوله اصد عن هالاشياء خوفا من الله اولا وثانيا حافظا ع تربيتي ابوي لي وتعبه فيني ومع ذلك مايسال عني ولايعرف اي شي حَتْىّ مشاويري مع سائقين ولاا يهمه عادي واخي اصغر مني بسنه ابوي بعد سبب دماره تهاوش مع مدير مدرسته وتسبب في فصله واصبح مع اصحاب السوء وصار يفعل مناكرات ضياع في ضياع لدرجه صار مسكر وابوي يعرف واصبح يجي للبيت يتضارب معهم لدرجه اخواني يدخلون في دورات المياه يبكون وانا اقف في وجهه وابلغ الشرطه بدون علم ابوي وابوي يتستر عليه عادي ووالكثيرررر الكثيرررر حَتْىّ اخواني الباقي طلب منهم ابوي يتركون دراستهم بحجه الراحة ورفضت وقفت بوجهه وان كافي اخوي ضاع واخوي الثاني لسى في اول ثانوي وفصله ابوي بعد والان جالسين بالبيت بدون وظائف
حَتْىّ دراستي ابوي منعني وقالي ماعندي استعداد اروح بهالصبح والزحمه اجلسي بس وريحيناا ☹