05-05-2014, 01:49 AM
|
المشاركة الأصلية كتبت بواسطة ANEEN KSA
قصتي غريبه عجيبه طويله جداً بحاول أختصرها لكم أنخطبت و ملكت تم عقد القرآن حبيت زوجي حب كبير وهو حبني كل مايمر يوم نحب بعض و نتعلق في بعض أكثر مرت الأيام سبحان الله صارت بينا مشاكل تافهه خلال الملكه مثل أي زوجين الشيطان كبر هالمشاكل وبحكم اننا مملكين وكل واحد عند أهله كنت أتكلم و أقول لأختي كل شي صارت توصل كل شي لأمي بدون علمي مع الوقت قلتلها كل شي هذا أكبر خطأ ندمانه عليه إلى اليوم كنت متوتره عصبيه لاني كنت اجهز نفسي لحالي وشايله مسؤولية كل شي لحالي ماأتحمل كلمه و تعصبني أتفه الأمور كبرت مشاكلنا التافهه صارت الوالده تكلم زوجي تكبر الأمور أكثر وهي تافهه من تفاهتها ماتنقال كلها كلام في كلام قيل و قال نقل حكي يعني نقطه مهمه بقولها لكم ( أهلي كانوا راضين فيه بالخطبه ومقتنعين بعد الشوفه بعد ماشفته و ارتحتله غيروا رأيهم صاروا مو مقتنعين بزوجي يقولون مو مستوانا ومايناسبون قبيلتنا يعني حكي مو مقنع أبد للرفض لكن أرتحت له وأصريت عليه ) للأسف التكبر و شوفة النفس مصيبه كبيره كلنا من طينة وحده وآخرتنا كفن و قبر صغير مهما بلغنا من العلم و المال و النسب المفروض نتواضع و مانشوف أنفسنا ع الناس كلنا من تراب لا تلف و تدور مردك للقبور المهم أرجع لقصتي صاروا أهلي كل ماكلموني ( أنا مملكه متزوجه ) والله مو مرتاحين لهم يطلعون فيه و ف أهله مية عيب وعيب كل الوقت محسسيني اني متزوجه كافر أستغفر الله شكله زوجك بخيل شكله مافيه خير شكله قاسي مارح يريحك شكله و شكله وشكله عيشوني بتوتر وأنا متوتره خلقه لأني مقبله على حياة جديده رغم إنه والله مافيهم أي عيب بعد فتره أهلي بدوا يلمحون بإن الطلاق أفضل حل بحجة المشاكل التافهه ماصدقوا على الله يمسكون علينا زله عشان يفرقونا حتى جا اليوم إللي أصروا فيه على طلاقي و حلفوا حلف بطلاقي ! حاولت ماأنفصل حاولت بكل الطرق ترجيتهم مايطلقوني ماردوا عليي بحجة حنا أهلك وأدرى بمصلحتك رغم إني منفصله قبل زوجي ماكنت أبي أنكسر مرتين وأنا مو صغيره عمري 27 وزوجي أكبر من ب 7 سنين الطلاق كسر للبنت الطلاق دمار للبنت أهلي غدروا فيني كل ماضعفت وترجيتهم كل ماقسوا علي أكثر أخذوا مني كل وسائل الإتصال عشان ماأتواصل مع زوجي و لا أدري عنه و لا يدري عني والله ثم والله طلقوني غصب عني أنذليت و أنضربت و أنهنت أصغرهم في البيت يذلني و يهيني كل هذا لأني أبي زوجي حتى زوجي مسكين مايبي الطلاق ضغطوا عليه و شوهوا صورتي عند أهله عشان يطلقوني بأسرع وقت و يرتاحون من زوجي أهله يدرون إني مظلومه وكانوا بصفي مايبون الطلاق حاولوا كثير مع أهلي وسطوا ناس وهم معاندين معاندين لأني حبيته و كان إختياري مافيه سبب مقنع للرفض و الطلاق أبد حسبي الله ونعم الوكيل حسبي الله ونعم الوكيل قدروا يطلقوني و فرحوا بطلاقي للأسف الله وحده يعلم بالحزن و الظلم إللي شفته عشت أقسى أيام مرت عليي كنت لحالي محد معي غير الله ,, ( الله معي فقط ) ( الله شايف كل شي و عارف كل شي ) كنت أطلع من دوامي أدور مكان فاضي عشان أبكي تعبت و مرضت حسبي الله ونعم الوكيل الكل شايف أن إللي صار هو الصح و لمصلحتي أي مصلحه فيها طلاق , وين المصلحه في الطلاق ؟!!!!!! أي زوجين يمرون بمشاكل هالشي طبيعي جداً بس مو معقوله أي مشكله بتصير بين زوجين تنتهي بالطلاق إذا شافوني طبعا واضح علي الحزن يقولون ليش كل هالهم مكبره الموضوع ترى ماأحد مات ( كله طلاق ) تراك زودتيها فكينا جبتيلنا المرض !! مو إنتي أول و لا آخر وحده تتطلق وين المشكله عادي !! فوق هذا كله يقولون إنتي سبب طلاقك و إلى هاليوم يعايروني و يقسون علي وهم إللي تجبروا و طلقوني غصب عني وعنه لا إله إلا الله لا إله إلا الله أحمد ربي باقي فيني عقل إذا كانوا ناوين على الإصلاح وإتمام الزواج كان بإمكانهم يصلحونها بس مايوصلوها للطلاق من يوم ماملكت وهم ناوين ع هالنهايه كانت تصير حركات كثيره حواليني بعد ماأنفصلت فهمت سببها مو قادره أسامحهم و أسامح قساوتهم هالشي متعبني كثير إحساس المظلوم متعب جداً نفسياً و جسدياً و معنوياً رافضه غيره بحياتي مو متقبله أحد غيره عندي أمل نرجع رغم كل الظروف إللي مرينا فيها الله قادر على كل شي و مافيه شي مستحيل حسبي الله ونعم الوكيل |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري